ఐదుగురు పోలీస్ అధికారులకు ఘన వీడ్కోలు

సైబరాబాద్‌ పోలీస్‌ కమిషనరేట్‌ పరిధిలో సుదీర్ఘకాలం సేవలందించి పదవీ విరమణ పొందుతున్న ఐదుగురు పోలీస్‌ అధికారులకు సోమవారం ఘనంగా వీడ్కోలు కార్యక్రమం నిర్వహించారు.

సైబరాబాద్‌ సీపీ కార్యాలయ ఆడిటోరియంలో జరిగిన ఈ కార్యక్రమంలో పదవీ విరమణ పొందిన అధికారులను సైబరాబాద్‌ పోలీస్‌ కమిషనర్‌ డాక్టర్‌ ఎం. రమేష్‌ సన్మానించి, వారి సేవలను అభినందించారు.

పదవీ విరమణ పొందిన అధికారులు

కుటుంబ సభ్యుల సహకారం కీలకం

పోలీస్‌ విధులను సమర్థవంతంగా నిర్వహించడంలో కుటుంబ సభ్యులు, సహధర్మచారుల సహకారం కీలకమని సీపీ తెలిపారు.

పదవీ విరమణ అనంతరం కుటుంబ సభ్యులు, బంధువులు, స్నేహితులతో ఆనందంగా సమయం గడుపుతూ సామాజిక, సాంస్కృతిక కార్యక్రమాల్లో పాల్గొని సమాజానికి సేవ చేయాలని సూచించారు.

సైబర్ నేరాలపై అప్రమత్తంగా ఉండాలి

ప్రస్తుతం పెరుగుతున్న సైబర్‌ నేరాలపై పదవీ విరమణ పొందిన అధికారులు, వారి కుటుంబ సభ్యులు అప్రమత్తంగా ఉండాలని సీపీ సూచించారు.

హైదరాబాద్‌, సైబరాబాద్‌ ప్రాంతాల అభివృద్ధిలో పోలీస్‌ శాఖ కూడా కీలక పాత్ర పోషించిందని, ఆ అభివృద్ధిలో తాము భాగస్వాములైనందుకు పదవీ విరమణ పొందుతున్న అధికారులు గర్వపడాలని సీపీ అన్నారు.

రిటైర్మెంట్ ప్రయోజనాలను జాగ్రత్తగా వినియోగించాలి

ప్రభుత్వం నుంచి లభించే రిటైర్మెంట్‌ ప్రయోజనాలు, ఆర్థిక వనరులను జాగ్రత్తగా వినియోగించుకోవాలని సీపీ సూచించారు.

పదవీ విరమణ అనంతరం కూడా పోలీస్‌ శాఖకు అవసరమైన సందర్భాల్లో తమ అనుభవం, సూచనలతో సహకరించాలని కోరారు.

అధికారులను సన్మానించిన సీపీ

అనంతరం ఐదుగురు పదవీ విరమణ పొందిన పోలీస్ అధికారులను సీపీ సన్మానించి, వారి భవిష్యత్ జీవితం సుఖసంతోషాలతో, ఆరోగ్యంగా సాగాలని ఆకాంక్షించారు.

సుదీర్ఘకాలం పోలీస్‌ శాఖకు సేవలందించిన అధికారులకు వీడ్కోలు పలుకుతూ, వారి భవిష్యత్ జీవితం విజయవంతంగా సాగాలని అధికారులు, సిబ్బంది ఆకాంక్షించారు.