22ఏ నిషేధిత జాబితాలో కాలనీలకు సంబంధించిన స్థిరాస్తులు ఉండటంతో ఆస్తుల క్రయవిక్రయాలు, రిజిస్ట్రేషన్లు, ఇతర లావాదేవీల విషయంలో ప్రజలు తీవ్ర ఇబ్బందులు ఎదుర్కొంటున్నారని నిర్వాహకులు పేర్కొన్నారు. చాలా కాలంగా సమస్య కొనసాగుతున్నప్పటికీ పరిష్కారం లభించకపోవడంతో ప్రభుత్వం, సంబంధిత అధికారుల దృష్టికి సమస్యను తీసుకెళ్లేందుకు మహాధర్నా చేపడుతున్నట్లు తెలిపారు.

మాజీ కార్పొరేటర్లు, డివిజన్ ఇన్‌చార్జీలు, పార్టీ నాయకులు, కార్యకర్తలు, యువత, మహిళా నాయకులతో పాటు 22ఏ సమస్యతో ఇబ్బందులు ఎదుర్కొంటున్న కాలనీల ప్రజలు పెద్ద సంఖ్యలో పాల్గొని మహాధర్నాను విజయవంతం చేయాలని మాజీ కార్పొరేటర్ నిరుగొండ జగదీష్ గౌడ్ పిలుపునిచ్చారు.

ఓల్డ్ మల్కాజిగిరి, సఫిల్‌గూడ, డిఫెన్స్ కాలనీ, నేరేడ్‌మెట్, మౌలాలి, వినాయక్‌నగర్, కాకతీయనగర్, ఈస్ట్ ఆనంద్‌బాగ్, ఆనంద్‌బాగ్, మీర్జాలగూడ, గౌతమ్‌నగర్, గీతానగర్, సైనిక్‌పురి, యాప్రాల్, మచ్చ, బొల్లారం, అల్వాల్, వెంకటాపురం, భూదేవినగర్, కనాజిగూడ, సీతారామ్‌నగర్, బాలరామ్‌నగర్, సంజయ్‌నగర్, బృందావన్ కాలనీ, సంజీవ్‌నగర్, చంద్రగిరి కాలనీ, చింతల్‌బస్తీ, బాల సరస్వతి నగర్, సర్దార్ పటేల్‌నగర్, మారుతినగర్, దుర్గానగర్, సతిరెడ్డినగర్, వెంకటేశ్వరనగర్, బ్యాంక్ కాలనీ, శివపురి కాలనీ, న్యూ శివపురి కాలనీ, యాదవ్‌నగర్, ఏకలవ్యనగర్, మల్లికార్జుననగర్, వీణాపాణినగర్, రాజానగర్, మధుసూదన్‌నగర్, రాజా శ్రీనివాస్‌నగర్, బీజేఆర్‌నగర్, వసంతపురి కాలనీ, శ్రీపురి కాలనీ, అంబేద్కర్‌నగర్, పీవీఎన్ కాలనీ, రాఘవేంద్రనగర్, వసంత విహార్ కాలనీ, జవహర్‌నగర్, భవానినగర్, సాయినగర్, జ్యోతినగర్, గోపాల్‌నగర్, ఐఎన్ నగర్, జేఎల్‌ఎన్‌ఎస్ నగర్, హిల్‌టాప్ కాలనీ, శ్రీ రామాంజనేయనగర్, న్యూ వెంకటేశ్వరనగర్ తదితర కాలనీలు ఉన్నాయని నిర్వాహకులు పేర్కొన్నారు.

22ఏ సమస్యకు శాశ్వత పరిష్కారం చూపించి, అర్హత ఉన్న కాలనీలు, ఆస్తులను నిషేధిత జాబితా నుంచి తొలగించేలా ప్రభుత్వం చర్యలు తీసుకోవాలని నిర్వాహకులు డిమాండ్ చేస్తున్నారు. ప్రజల ఆస్తులకు సంబంధించిన సమస్య కావడంతో ప్రభుత్వం ఈ అంశంపై ప్రత్యేక దృష్టి సారించాలని కోరుతున్నారు.