మల్కాజ్‌గిరి కార్పొరేషన్ ఘట్కేసర్ సర్కిల్ పరిధిలోని ఎదులాబాద్ గ్రామంలోని శ్రీ గోదా సమేత మన్నార్ రంగనాయక స్వామి దేవాలయ బ్రహ్మోత్సవాలు వైభవంగా జరుగుతున్నాయి.

ఈ సందర్భంగా ఆలయంలో ప్రత్యేక పూజలు నిర్వహించిన అనంతరం స్వామివారి రథోత్సవ ఊరేగింపులో పాల్గొని భక్తులతో కలిసి స్వామివారిని దర్శించుకున్నారు.

కార్యక్రమంలో మాజీ ఎమ్మెల్యే మల్లిపెద్ది సుధీర్ రెడ్డి, మాజీ డీసీసీ అధ్యక్షులు సింగిరెడ్డి హరివర్ధన్ రెడ్డి తదితరులు పాల్గొన్నారు.

భక్తిశ్రద్ధలతో నిర్వహించిన రథోత్సవానికి పెద్ద సంఖ్యలో భక్తులు హాజరై స్వామివారిని దర్శించుకున్నారు. దీంతో గ్రామంలో ఆధ్యాత్మిక వాతావరణం నెలకొంది.