అమ్మవారి ఆలయంలో ఘనంగా అన్న ప్రసాద కార్యక్రమం

జగద్గిరిగుట్ట డివిజన్ మగ్దమ్ నగర్‌లోని అమ్మవారి ఆలయంలో బోనాల పండుగ సందర్భంగా భక్తులు సమర్పించిన ఓడి బియ్యంతో ఆలయ కమిటీ ఆధ్వర్యంలో అన్న ప్రసాద కార్యక్రమాన్ని నిర్వహించారు.

ఈ కార్యక్రమానికి ముఖ్యఅతిథిగా మాజీ కార్పొరేటర్ కొలుకుల జగన్ హాజరై అమ్మవారికి ప్రత్యేక పూజలు నిర్వహించి అన్నదాన కార్యక్రమాన్ని ప్రారంభించారు.

కొలుకుల జగన్ వ్యాఖ్యలు

• అమ్మవారి ఆశీస్సులతో డివిజన్ ప్రజలందరూ సుఖ సంతోషాలతో ఉండాలని అమ్మవారిని వేడుకున్నట్లు తెలిపారు.
• ప్రతి సంవత్సరం ఓడి బియ్యం అన్నప్రసాద కార్యక్రమాన్ని విజయవంతంగా నిర్వహిస్తున్న ఆలయ కమిటీ సభ్యులను అభినందించారు.
• భక్తిశ్రద్ధలతో నిర్వహిస్తున్న బోనాల పండుగ కార్యక్రమానికి హాజరైన భక్తులకు శుభాకాంక్షలు తెలిపారు.

కార్యక్రమంలో పాల్గొన్నవారు

ఈ కార్యక్రమంలో నాయకులు కొలుకుల జైహింద్, ఆలయ కమిటీ అడ్వైజర్ కొలుకుల సత్యనారాయణ, ఆలయ కమిటీ చైర్మన్ నారా నరేందర్, కోశాధికారి విట్టల్ గౌడ్, సభ్యులు రాజేష్ రాయి, విగ్నేష్ రాయి, వినోద్ కుమార్, సతీష్, జైపాల్ రెడ్డి, మైలారం రాజు, రవికుమార్ తదితరులు పాల్గొన్నారు.