పెట్రోల్ బంకుల్లో ఉచిత సౌకర్యాలపై వినతి

కీసర మండలంతో పాటు మేడ్చల్–మల్కాజ్‌గిరి జిల్లా వ్యాప్తంగా ఉన్న పెట్రోల్ బంకుల్లో వాహనదారులకు అందించాల్సిన ప్రాథమిక ఉచిత సౌకర్యాలు అందుబాటులో లేవని ప్రజల నుంచి ఫిర్యాదులు వస్తున్నాయని కీసర మండల సామాజిక సేవా కార్యకర్త తుడుం శ్రీనివాస్, కీసర గుట్ట మాజీ ట్రస్ట్ బోర్డ్ సభ్యులు రాగుల రమేష్ ముదిరాజ్ తెలిపారు.

ఈ నేపథ్యంలో పెట్రోల్ బంకుల్లో ప్రజలకు అందాల్సిన ఉచిత సౌకర్యాలను పరిశీలించి, వాటిని అందుబాటులోకి తీసుకురావాలని కోరుతూ మేడ్చల్–మల్కాజ్‌గిరి జిల్లా కలెక్టర్ కార్యాలయంలో వినతిపత్రం సమర్పించారు.

ప్రధాన డిమాండ్లు

• అన్ని పెట్రోల్ బంకుల్లో ప్రత్యేక తనిఖీలు నిర్వహించాలి.
• ఉచిత సౌకర్యాలు వాస్తవంగా అందుబాటులో ఉన్నాయా పరిశీలించాలి.
• అందుబాటులో ఉన్న ఉచిత సౌకర్యాల వివరాలను ప్రతి బంకులో స్పష్టంగా ప్రదర్శించాలి.
• తనిఖీల ఫలితాలు, తీసుకున్న చర్యలను ప్రజలకు తెలియజేయాలి.

అధికారులకు విజ్ఞప్తి

ప్రజల హక్కులు, భద్రత మరియు సౌకర్యాలను దృష్టిలో ఉంచుకుని జిల్లా అధికారులు వెంటనే స్పందించి తగిన చర్యలు తీసుకోవాలని కోరారు.

ఈ కార్యక్రమంలో కీసర గ్రామపంచాయతీ మాజీ వార్డ్ సభ్యులు చిలుక ముత్యాల ముదిరాజ్, తుడుం ఆగమయ్య తదితరులు పాల్గొన్నారు.