సైబరాబాద్ పోలీస్ కమిషనరేట్‌లో పోలీస్ సిబ్బంది బదిలీలను తాత్కాలికంగా వాయిదా వేయాలని విజ్ఞప్తి

విద్యా సంవత్సరం మధ్యలో ఉన్నందున పోలీస్ సిబ్బంది బదిలీలను తాత్కాలికంగా వాయిదా వేయాలని సైబరాబాద్ పోలీస్ కో-ఆపరేటివ్ క్రెడిట్ సొసైటీ మేనేజింగ్ కమిటీ సభ్యులు విజ్ఞప్తి చేశారు.

సైబరాబాద్ పోలీస్ కో-ఆపరేటివ్ క్రెడిట్ సొసైటీ మేనేజింగ్ కమిటీ సభ్యులు సైబరాబాద్ పోలీస్ కమిషనర్ డా. ఎం. రమేష్, IPSను కలిసి తమ విజ్ఞప్తిని తెలిపారు.

ప్రస్తుతం విద్యా సంవత్సరం మధ్యలో ఉన్న నేపథ్యంలో పోలీస్ సిబ్బంది బదిలీలను కొంతకాలం పాటు వాయిదా వేయాలని వారు కోరారు. ఈ సమయంలో బదిలీలు జరిగితే సిబ్బంది కుటుంబాలు, పిల్లల విద్యపై ప్రభావం పడే అవకాశం ఉందని కమిటీ వివరించింది.

బదిలీలను వాయిదా వేయాలని కోరిన కారణాలు

ఇప్పటికే పిల్లల స్కూల్ ఫీజులు, అడ్మిషన్లు పూర్తయిన నేపథ్యంలో ఈ సమయంలో బదిలీలు జరిగితే సిబ్బంది ఆర్థికంగా, కుటుంబపరంగా మరియు పిల్లల విద్యాపరంగా ఇబ్బందులు ఎదుర్కొనే అవకాశం ఉందని కమిటీ సభ్యులు వివరించారు.

గణేష్ ఉత్సవాల బందోబస్తు దృష్ట్యా కూడా విజ్ఞప్తి

ప్రధాన పండుగల సందర్భంగా పోలీస్ శాఖపై బందోబస్తు బాధ్యతలు పెరగనున్న నేపథ్యంలో సిబ్బంది అందుబాటులో ఉండటం అవసరమని కమిటీ సభ్యులు పేర్కొన్నారు.

సానుకూలంగా స్పందించిన పోలీస్ కమిషనర్

పోలీస్ సిబ్బంది కుటుంబ పరిస్థితులు, పిల్లల విద్య, రాబోయే గణేష్ ఉత్సవాల బందోబస్తు వంటి అంశాలను పరిగణనలోకి తీసుకుని కమిటీ చేసిన విజ్ఞప్తిని పరిశీలించనున్నట్లు కమిషనర్ తెలిపారు.

కార్యక్రమంలో పాల్గొన్న అధికారులు