కామారెడ్డి జిల్లాలో ఆటో జేఏసీ ఆధ్వర్యంలో బంద్

ఆటో డ్రైవర్లు ఎదుర్కొంటున్న సమస్యలను రాష్ట్ర ప్రభుత్వం వెంటనే పరిష్కరించాలని డిమాండ్ చేస్తూ కామారెడ్డి జిల్లాలో ఆటో జేఏసీ ఆధ్వర్యంలో బంద్ నిర్వహించారు.

ఆటో జేఏసీ జిల్లా అధ్యక్షుడు బోదాసు నర్సింలు ఆధ్వర్యంలో నిర్వహించిన ఈ కార్యక్రమంలో పెద్ద సంఖ్యలో ఆటో డ్రైవర్లు పాల్గొన్నారు.

ఆటో డ్రైవర్ల సమస్యలను ప్రభుత్వం దృష్టికి తీసుకెళ్లేందుకు కామారెడ్డి జిల్లా జాయింట్ కలెక్టర్‌కు ఆటో జేఏసీ నాయకులు వినతిపత్రం అందజేశారు.

ఆటో డ్రైవర్ల సమస్యలను ప్రభుత్వం సానుకూలంగా పరిశీలించి, వాటి పరిష్కారానికి చర్యలు తీసుకోవాలని ఈ సందర్భంగా ఆటో జేఏసీ జిల్లా అధ్యక్షుడు బోదాసు నర్సింలు కోరారు.

డ్రైవర్ల సమస్యల పరిష్కారం కోసం జేఏసీ తరఫున నిరంతరం పోరాటం కొనసాగిస్తామని ఆయన తెలిపారు.

ఈ కార్యక్రమంలో ఆటో జేఏసీ జిల్లా నాయకులు ఎస్.కె. హైమద్, మంత్రి రవి, సాయిరాం, చి. రాజేందర్, పసుల రవి, సాయినాథ్, బిక్కీ రాజు, మంగలి స్వామి, డి. నర్సింలు, వడ్ల కృష్ణ, మన్నే సిద్ధరాములు, ఎస్.కె. హనీఫ్, లతీఫ్, జంగం స్వామి, అరే కృష్ణ, ఏకంపల్లి మహేందర్ తదితరులతో పాటు పలువురు ఆటో జేఏసీ డ్రైవర్లు పాల్గొన్నారు.