పలు ఆలయాల్లో అమ్మవారిని దర్శించుకున్న చామకూర మల్లారెడ్డి

మేడ్చల్ నియోజకవర్గంలో బోనాల జాతర సందర్భంగా మాజీ మంత్రి, మేడ్చల్ నియోజకవర్గ శాసనసభ్యులు చామకూర మల్లారెడ్డి పలు ఆలయాల్లో ప్రత్యేక పూజలు నిర్వహించారు.

ఎల్లంపేట్ మున్సిపాలిటీ పరిధిలోని శ్రీరంగవరం గ్రామంలో బోనాల జాతర సందర్భంగా నిర్వహించిన వేడుకల్లో పాల్గొన్న ఆయన పలు ఆలయాల్లో ప్రత్యేక పూజలు నిర్వహించి అమ్మవారిని దర్శించుకున్నారు.

అనంతరం బోనాల పండుగ సందర్భంగా మేడ్చల్ పట్టణ కేంద్రంలోని గడి మైసమ్మ ఆలయాన్ని సందర్శించి ప్రత్యేక పూజలు నిర్వహించారు. అమ్మవారిని దర్శించుకుని ప్రజలందరూ సుఖసంతోషాలతో, ఆయురారోగ్యాలతో ఉండాలని ప్రార్థించారు.

బోనాల పండుగను భక్తిశ్రద్ధలతో నిర్వహిస్తున్న భక్తులకు ఈ సందర్భంగా ఆయన శుభాకాంక్షలు తెలిపారు.

ఆలయాల వద్ద భక్తులు పెద్ద సంఖ్యలో పాల్గొని అమ్మవారికి బోనాలు సమర్పించి మొక్కులు చెల్లించుకున్నారు.