నాగిరెడ్డిపేట్ మండలంలోని ప్రాథమికోన్నత, ఉన్నత పాఠశాలలకు మేఘశాల ట్రస్ట్ ఆధ్వర్యంలో ట్యాబ్లను పంపిణీ చేశారు. ఒక్కో పాఠశాలకు రెండు ట్యాబ్ల చొప్పున అందించారు.

ఈ కార్యక్రమంలో మేఘశాల ట్రస్ట్ సభ్యులతో పాటు మండల విద్యాధికారి శ్రీ వెంకట్ రెడ్డి, పాఠశాల సముదాయ ప్రధానోపాధ్యాయులు శ్రీ వెంకట్రామిరెడ్డి, ఉన్నత పాఠశాలలు, ప్రాథమికోన్నత పాఠశాలల ప్రధానోపాధ్యాయులు పాల్గొన్నారు.

పాఠశాలల్లో డిజిటల్ విద్యను మరింత ప్రోత్సహించేందుకు ట్యాబ్లను అందించిన మేఘశాల ట్రస్ట్‌కు విద్యాశాఖ తరఫున ప్రత్యేక ధన్యవాదాలు తెలిపారు. ఈ ట్యాబ్లను విద్యార్థుల అభ్యసనానికి, ఉపాధ్యాయుల బోధనను మరింత సాంకేతికంగా తీర్చిదిద్దేందుకు సద్వినియోగం చేసుకోవాలని సూచించారు.