దివంగత ఉమ్మడి ఆంధ్రప్రదేశ్ మాజీ ముఖ్యమంత్రి, మహానేత డాక్టర్ వై.ఎస్. రాజశేఖర్ రెడ్డి వర్ధంతి సందర్భంగా కామారెడ్డి నియోజకవర్గ పార్టీ కార్యాలయంలో ఆయన చిత్రపటానికి పూలమాల వేసి టీపీసీసీ ప్రధాన కార్యదర్శి గడ్డం చంద్రశేఖర్ రెడ్డి ఘన నివాళులు అర్పించారు.

ప్రజా సంక్షేమ పథకాలను గుర్తుచేసుకున్న నేతలు

ఆరోగ్యశ్రీ, ఉచిత విద్యుత్, రైతులకు రుణమాఫీ వంటి అనేక ప్రజా సంక్షేమ కార్యక్రమాల ద్వారా సమాజంలోని అన్ని వర్గాల అభ్యున్నతికి కృషి చేసిన మహానేత వైఎస్సార్ అని గడ్డం చంద్రశేఖర్ రెడ్డి కొనియాడారు.

పేదలు, రైతులు, విద్యార్థులు, మహిళలు, బడుగు బలహీన వర్గాల సంక్షేమానికి వైఎస్సార్ ప్రభుత్వం అమలు చేసిన పథకాలు ప్రజల జీవితాల్లో చెరగని ముద్ర వేశాయని పేర్కొన్నారు.

కార్యక్రమంలో పలువురు కాంగ్రెస్ నాయకులు

ఈ కార్యక్రమంలో కామారెడ్డి జిల్లా సేవాదళ్ అధ్యక్షులు, మున్సిపల్ కౌన్సిలర్ గడ్డమీది మహేష్, డీసీసీ ఉపాధ్యక్షులు పంపరి లక్ష్మణ్, సబ్బాని హరికృష్ణ, డీసీసీ జనరల్ సెక్రెటరీ నిమ్మ విజయకుమార్, జూలూరి సుధాకర్, తాటి ప్రసాద్, కామారెడ్డి నియోజకవర్గ సేవాదళ్ అధ్యక్షులు మెహర్ బాబా గౌడ్ తదితరులు పాల్గొన్నారు.

వైఎస్సార్ ప్రజాసేవ, సంక్షేమ పాలనను స్ఫూర్తిగా తీసుకుని ప్రజలకు సేవ చేయడమే ఆయనకు అందించే నిజమైన నివాళి అని కాంగ్రెస్ నాయకులు పేర్కొన్నారు.