ఎల్లారెడ్డి డివిజన్‌ లింగంపేట్‌ మండల కేంద్రంలోని భవానీపేట్‌ గ్రామంలో గౌడ సంఘం ఆధ్వర్యంలో పుట్టల ఎల్లమ్మ తల్లి ఆలయ నిర్మాణానికి భూమిపూజ కార్యక్రమాన్ని భక్తిశ్రద్ధలతో నిర్వహించారు.

గౌడ సంఘం సభ్యులు, గ్రామ పెద్దలు, భక్తులు సమిష్టిగా పాల్గొని అమ్మవారికి ప్రత్యేక పూజలు నిర్వహించి ఆలయ నిర్మాణ పనులకు శ్రీకారం చుట్టారు.

రేణుక ఎల్లమ్మ తల్లి తెలంగాణలోని అనేక ప్రాంతాల్లో, ముఖ్యంగా గౌడ సమాజంలో ఎంతో భక్తిశ్రద్ధలతో కొలిచే ఆరాధ్య దైవంగా ప్రసిద్ధి చెందింది.

తరతరాలుగా ఎల్లమ్మ తల్లి పూజలు, జాతరలు, ఉత్సవాలను నిర్వహిస్తూ గౌడ సమాజం తమ ఆధ్యాత్మిక విశ్వాసాలు, సంప్రదాయాలను కొనసాగిస్తోంది.

భవానీపేట్‌లో ఆలయ నిర్మాణానికి భూమిపూజ చేయడం గ్రామానికి శుభపరిణామమని తెలిపారు.

ఆలయ నిర్మాణం పూర్తయిన అనంతరం గ్రామ ప్రజలందరూ కలిసి అమ్మవారి ఉత్సవాలను మరింత ఘనంగా నిర్వహించేందుకు కృషి చేస్తామని గౌడ సంఘం సభ్యులు తెలిపారు.

యువత, మహిళలు తమ సంప్రదాయాలను భావితరాలకు అందించేలా ఐక్యంగా ముందుకు సాగాలని పిలుపునిచ్చారు.

ఈ కార్యక్రమంలో బుర్ర సంఘం గౌడ్, బుర్ర కృష్ణ గౌడ్, పోశెట్టిపల్లి సాయ గౌడ్, ఎదురుగట్ల శంకర్ గౌడ్, బుర్ర నారా గౌడ్, పోచెట్పల్లి రమేష్ గౌడ్, బుర్ర సాయ గౌడ్, బుర్ర అంజా గౌడ్, పోచటపల్లి శ్రీనివాస్ గౌడ్, బుర్ర అశోక్ గౌడ్ తదితరులు పాల్గొన్నారు.