ఎల్లారెడ్డి ఎంపీడీఓ తహెరా బేగం ఆధ్వర్యంలో సోమవారం ప్రజావాణి కార్యక్రమాన్ని నిర్వహించారు. ఈ కార్యక్రమంలో ప్రజల నుంచి మొత్తం 4 ఫిర్యాదుల దరఖాస్తులు స్వీకరించినట్లు అధికారులు తెలిపారు.

ప్రజలు తమ సమస్యలను అధికారుల దృష్టికి తీసుకురాగా, వాటిని సంబంధిత శాఖల అధికారులకు పంపించి త్వరితగతిన పరిశీలించి పరిష్కరించేలా చర్యలు తీసుకుంటున్నట్లు తెలిపారు.

ప్రజావాణి కార్యక్రమానికి వివిధ శాఖలకు చెందిన 16 మంది అధికారులు హాజరై, ప్రజల నుంచి వచ్చిన ఫిర్యాదులను స్వీకరించి వాటి పరిష్కారానికి అవసరమైన చర్యలపై చర్చించారు.

రాష్ట్ర ప్రభుత్వం నిర్వహిస్తున్న ప్రజావాణి కార్యక్రమం ద్వారా ప్రజలకు ప్రభుత్వ యంత్రాంగాన్ని మరింత చేరువ చేయడంతో పాటు, వారి సమస్యలను సకాలంలో పరిష్కరించేందుకు అధికారులు సమన్వయంతో పనిచేయాలని సూచించారు.

ఈ కార్యక్రమంలో ఎంఈఓ లింగాపూర్ రాజులు తదితర అధికారులు పాల్గొన్నారు.