ఈ సందర్భంగా శేరిలింగంపల్లి నియోజకవర్గ లేబర్ సెల్ అధ్యక్షులు మాదిరెడ్డి మోహన్ రెడ్డి మాట్లాడుతూ కార్మికులతో బలమైన సత్సంబంధాలను ఏర్పరచుకోవాల్సిన అవసరం ఉందన్నారు. కార్మికుల సమస్యలను ఎప్పటికప్పుడు తెలుసుకుంటూ వారికి అండగా నిలవడంతో పాటు ప్రభుత్వం అమలు చేస్తున్న వివిధ సంక్షేమ పథకాలు, వాటి ద్వారా లభించే ప్రయోజనాలపై అవగాహన కల్పించాలని సూచించారు.

అదేవిధంగా హైదర్‌నగర్ డివిజన్ లేబర్ సెల్ అధ్యక్షులు మహ్మద్ ఫయాజ్ మాట్లాడుతూ కార్మికుల సమస్యలను గుర్తించి, వారి సంక్షేమం కోసం సమన్వయంతో పనిచేయాల్సిన అవసరం ఉందని పేర్కొన్నారు. కార్మికులకు అందుబాటులో ఉండే విధంగా లేబర్ సెల్ కార్యక్రమాలను మరింత విస్తృతం చేయాలని అభిప్రాయపడ్డారు.

కార్మికుల సంక్షేమం, హక్కులు, వారికి అందాల్సిన ప్రభుత్వ ప్రయోజనాలపై అవగాహన కల్పించేందుకు నాయకులు, కార్యకర్తలు సమష్టిగా కృషి చేయాలని సమావేశంలో పిలుపునిచ్చారు.

ఈ సమావేశంలో అశోక్ యాదవ్, తమ్మాలి మాణిక్యం, ఎస్. మోహన్ రెడ్డి, సద్నాదం గౌడ్, మహ్మద్ అష్ఫాక్ తదితర నాయకులు పాల్గొన్నారు.