మత్తమల్లో శివాజీ విగ్రహ ఆవిష్కరణ
ఘనంగా జరిగిన కార్యక్రమం.. పాల్గొన్న బీజేపీ రాష్ట్ర, జిల్లా నాయకులు
ఎల్లారెడ్డి మండలం మత్తమల్ గ్రామంలో ఛత్రపతి శివాజీ మహారాజ్ విగ్రహ ఆవిష్కరణ కార్యక్రమం ఘనంగా నిర్వహించారు. బీజేపీ రాష్ట్ర కార్యవర్గ సభ్యులు డా. పైడి ఎల్లారెడ్డి విగ్రహాన్ని ఆవిష్కరించారు. కార్యక్రమానికి నాయకులు, గ్రామ పెద్దలు, యువత, గ్రామస్థులు పెద్ద సంఖ్యలో హాజరయ్యారు.
వార్తకు ప్రతీకాత్మకంగా ఉపయోగించిన ఆన్లైన్ చిత్రం.
బీజేపీ జిల్లా అధ్యక్షులు నీలం చిన్నరాజులు, జిల్లా ప్రధాన కార్యదర్శి గరిడె రవీందర్ రావు, దాత పట్లోళ్ల రాంగోపాల్ రెడ్డి, ఆధ్యాత్మిక వక్త అనుసుజా రెడ్డి తదితరులు కార్యక్రమంలో పాల్గొన్నారు.
శివాజీ మహారాజ్ దేశభక్తి, ధైర్యసాహసాలు, పరిపాలనా దక్షత, ప్రజా సంక్షేమం కోసం చేసిన కృషిని నాయకులు, గ్రామస్థులు గుర్తుచేసుకున్నారు. యువత ఆయన స్ఫూర్తిని ఆదర్శంగా తీసుకోవాలని పిలుపునిచ్చారు.
