కమిషనరేట్‌ పరిధిలోని 29 పోలీస్‌స్టేషన్లలో నమోదైన ఫోన్‌ మిస్సింగ్‌, చోరీ కేసుల్లో ఏడు నెలల్లో 1,834 సెల్‌ఫోన్లను రికవరీ చేసినట్లు పోలీస్‌ కమిషనర్‌ సుమతి తెలిపారు.

ఉప్పల్‌లోని డీసీపీ కార్యాలయంలో నిర్వహించిన మీడియా సమావేశంలో ఆమె వివరాలు వెల్లడించారు.

2026 ఫిబ్రవరి 11 నుంచి ఇప్పటివరకు సీఈఐఆర్‌ పోర్టల్‌ ద్వారా ఫోన్లను ట్రేస్‌ చేసి రికవరీ చేసినట్లు సీపీ తెలిపారు.

గుర్తించిన ఫోన్లను పోలీస్‌స్టేషన్‌ల వారీగా సంబంధిత యజమానులకు అప్పగిస్తున్నట్లు చెప్పారు. పోగొట్టుకున్న ఫోన్‌ దొరికే వరకు రికవరీ ప్రక్రియ కొనసాగుతుందని స్పష్టం చేశారు.

ఇంకా రికవరీ కాని మొబైల్‌ఫోన్లను గుర్తించేందుకు చర్యలు కొనసాగుతున్నాయని సీపీ తెలిపారు.