నల్లగండ్ల డివిజన్‌లోని ఎన్టీఆర్ నగర్, సోఫా కాలనీలో ఉన్న నియో శ్రీ చైతన్య స్కూల్ విద్యార్థులకు మట్టి వినాయకులను పంపిణీ చేశారు. వినాయక చవితి సందర్భంగా పర్యావరణ పరిరక్షణపై అవగాహన కల్పించే ఉద్దేశంతో ఈ కార్యక్రమాన్ని నిర్వహించారు.

పర్యావరణానికి హాని కలిగించని మట్టి వినాయకులనే పూజించాలని విద్యార్థులకు సందేశాన్ని అందిస్తూ మట్టి విగ్రహాలను పంపిణీ చేశారు.

ఈ కార్యక్రమంలో నల్లగండ్ల డివిజన్ కాంగ్రెస్ పార్టీ సీనియర్ నాయకులు పల్లపు సురేందర్, రాజు నాయక్ పాల్గొని విద్యార్థులకు మట్టి వినాయకులను అందించారు.

ఈ సందర్భంగా వారు మాట్లాడుతూ, పర్యావరణ పరిరక్షణ ప్రతి ఒక్కరి బాధ్యత అని తెలిపారు. ప్లాస్టర్ ఆఫ్ పారిస్ విగ్రహాలకు బదులుగా మట్టి వినాయకులను ఉపయోగించడం ద్వారా ప్రకృతిని కాపాడవచ్చని పేర్కొన్నారు.

విద్యార్థులు, ప్రజలు మట్టి వినాయకులను ప్రోత్సహించి పర్యావరణ పరిరక్షణలో భాగస్వాములు కావాలని వారు పిలుపునిచ్చారు.

“మట్టి వినాయకుడిని పూజిద్దాం – పర్యావరణాన్ని కాపాడుదాం” అనే సందేశాన్ని ఈ సందర్భంగా అందించారు.