సంజయ్‌గాంధీ నగర్‌లో భక్తిశ్రద్ధలతో ఘనంగా నిర్వహణ

హైదరాబాద్‌లోని సంజయ్‌గాంధీ నగర్‌లో “ఓం నమః శివాయ” నామస్మరణతో ఒరిస్సా భక్తులు నిర్వహించిన పవిత్ర బోల్ భూమ్ (కావలి) యాత్ర కార్యక్రమం భక్తిశ్రద్ధలతో ఘనంగా జరిగింది.

సంగీత పాత్ర ఆధ్వర్యంలో ఒరిస్సా ప్రాంతానికి చెందిన భక్తులు ఎంతో భక్తిశ్రద్ధలతో ఈ ఆధ్యాత్మిక కార్యక్రమాన్ని నిర్వహించారు.

కార్యక్రమంలో 291వ డివిజన్ షాపూర్‌నగర్ నాయకులు కూన రాఘవేందర్ గౌడ్ పాల్గొని భక్తులతో కలిసి పరమశివుని ఆశీస్సులు పొందారు.

ఈ సందర్భంగా కూన రాఘవేందర్ గౌడ్ భక్తులకు శుభాకాంక్షలు తెలియజేశారు. ప్రతి కుటుంబంలో ఆరోగ్యం, ఆనందం, ఐశ్వర్యం, శాంతి వెల్లివిరియాలని, పరమేశ్వరుని కృప ప్రతి ఒక్కరిపై ఎల్లప్పుడూ ఉండాలని ఆకాంక్షించారు.

భక్తి, ఐక్యత, ఆధ్యాత్మికతకు ప్రతీకగా నిలిచిన ఈ కార్యక్రమంలో భక్తులు పెద్ద సంఖ్యలో పాల్గొని శివనామస్మరణతో ఆధ్యాత్మిక వాతావరణాన్ని నెలకొల్పారు.