బీజేపీ జాతీయ సెల్స్ సంయుక్త సమన్వయకర్తగా నూతన బాధ్యతలు స్వీకరించిన విష్ణువర్ధన్ రెడ్డిని హైదరాబాద్‌లో డా. పైడి ఎల్లారెడ్డి మర్యాదపూర్వకంగా కలిశారు. ఈ సందర్భంగా ఆయనకు శుభాకాంక్షలు తెలిపారు.

విష్ణువర్ధన్ రెడ్డికి పైడి ఎల్లారెడ్డి పుష్పగుచ్ఛం అందించి, శాలువాతో సత్కరించారు. అనంతరం పార్టీకి సంబంధించిన పలు అంశాలతో పాటు తెలంగాణలో పార్టీ బలోపేతం, భవిష్యత్ కార్యాచరణపై ఇరువురు చర్చించినట్లు తెలిపారు.

ఈ సమావేశంలో పలువురు బీజేపీ నాయకులు, కార్యకర్తలు పాల్గొన్నారు.