రాబోయే ఏడాదిన్నర కాలంలో ఉస్మానియా జనరల్ హాస్పిటల్, అల్వాల్ టిమ్స్, ఎల్‌బీనగర్ టిమ్స్, వరంగల్ సూపర్ స్పెషాలిటీ హాస్పిటళ్లను వరుసగా ప్రతి ఆరు నెలలకు ఒక ఆసుపత్రి చొప్పున నిర్మాణం పూర్తి చేసి ప్రజలకు అందుబాటులోకి తెస్తామని ముఖ్యమంత్రి శ్రీ ఎ. రేవంత్ రెడ్డి ప్రకటించారు.

రాష్ట్రంలో ఏ కార్పొరేట్ ఆసుపత్రికి తీసిపోని విధంగా ప్రభుత్వ ఆసుపత్రులను తీర్చిదిద్దుతామని సీఎం స్పష్టం చేశారు.

నాలుగు ఆసుపత్రులపై ప్రత్యేక దృష్టి

NIMSకు ధీటుగా TIMS ఆసుపత్రులు

ఎయిమ్స్‌తో పోటీపడే సేవలు అందిస్తున్న నిమ్స్ ఆసుపత్రికి ధీటుగా ఒక్కో ఆసుపత్రికి ఒక్కో డైరెక్టర్‌ను నియమించి, వారి పర్యవేక్షణలో ఆసుపత్రులను తీర్చిదిద్దుతామని సీఎం రేవంత్ రెడ్డి తెలిపారు.

అవసరమైన నిధులను మంజూరు చేయడంతో పాటు నిర్వహణలో ఏ కార్పొరేట్ ఆసుపత్రికి తీసిపోని విధంగా ప్రత్యేక కార్యాచరణ రూపొందించాలని అధికారులను ఆదేశించారు.

రోగులు, అటెండెంట్లకు అదనపు వసతులు

వైద్య రంగంలో 16 వేల నియామకాలు

ప్రజా ప్రభుత్వం అధికారంలోకి వచ్చిన తర్వాత వైద్య రంగంలో ఇప్పటివరకు 16 వేల మంది సిబ్బందిని నియమించామని సీఎం తెలిపారు. గతంలో ఎప్పుడూ ఇంత పెద్దఎత్తున నియామకాలు చేపట్టలేదని పేర్కొన్నారు.

పేదల ఆరోగ్యాన్ని ప్రభుత్వం బాధ్యతగా భావిస్తోందని, విద్య మరియు వైద్య రంగాల్లో పెట్టే నిధులను ఖర్చుగా కాకుండా భవిష్యత్ కోసం పెట్టుబడిగా భావిస్తున్నామని సీఎం స్పష్టం చేశారు.

ఆరోగ్య రంగానికి భారీగా నిధులు

ఉస్మానియా ఆసుపత్రిపై సీఎం కీలక వ్యాఖ్యలు

వందేళ్ల కిందట నిజాం సర్కార్ పేదల కోసం ఉస్మానియా జనరల్ హాస్పిటల్‌ను ప్రారంభించిందని, ప్రస్తుతం భవనం శిథిలావస్థకు చేరుకోవడంతో వర్షాల సమయంలో ఆసుపత్రిలోకి నీరు చేరే పరిస్థితి ఏర్పడిందని సీఎం తెలిపారు.

తమ ప్రభుత్వం అధికారంలోకి వచ్చిన తర్వాత ఉస్మానియా హాస్పిటల్ పక్కనే గోషమహల్‌లో 30 ఎకరాల్లో రూ.2,700 కోట్లతో 200 పడకల మల్టీ సూపర్ స్పెషాలిటీ హాస్పిటల్ నిర్మిస్తున్నామని, త్వరలోనే పూర్తి చేయనున్నామని తెలిపారు.

ప్రభుత్వ వైద్యులకు ప్రోత్సాహకాలు

ప్రభుత్వ వైద్యులు అదనపు సమయం సేవలు అందించాలని, వారి నైపుణ్యాన్ని ప్రజల కోసం మరింత వినియోగించేందుకు ప్రత్యేక ప్రోత్సాహకాలు, ఇన్సెంటివ్‌లు ఇవ్వడంపై పరిశీలించాలని సీఎం వైద్య ఆరోగ్య శాఖ మంత్రికి సూచించారు.

విద్యతో పాటు నైపుణ్యాలకు ప్రాధాన్యత

నర్సరీ నుంచి 12వ తరగతి వరకు నాణ్యమైన విద్య అందించడంతో పాటు, ఆ తర్వాత అవసరమైన నైపుణ్యాలను నేర్పించగలిగితే యువత స్వతంత్రంగా జీవించగలరని సీఎం పేర్కొన్నారు.

నర్సింగ్ రంగంలో ఉన్న మహిళలు జర్మన్, జపనీస్, కొరియన్ వంటి భాషలను నేర్చుకుని ఆయా దేశాల్లో ఉన్న ఉద్యోగ, ఉపాధి అవకాశాలను అందిపుచ్చుకోవాలని సూచించారు.

ప్రజా వైద్యానికి కొత్త దిశ

తెలంగాణ రాష్ట్రానికి మరో ఆణిముత్యాన్ని అంకితం చేస్తున్న ఈ శుభసందర్భంలో డాక్టర్ మర్రి చెన్నారెడ్డి తెలంగాణ ఇనిస్టిట్యూట్ ఆఫ్ మెడికల్ సైన్సెస్ ప్రారంభోత్సవం జరిగింది. ఈ కార్యక్రమం కోసం అహర్నిశలు కృషి చేసిన మంత్రులు దామోదర రాజనర్సింహ, కోమటిరెడ్డి వెంకట్ రెడ్డితో పాటు వైద్య సిబ్బందిని సీఎం అభినందించారు.