వెల్లుట్లలో విద్యుత్ సబ్‌స్టేషన్‌కు భూమిపూజ

వెల్లుట్లలో నూతన విద్యుత్ సబ్‌స్టేషన్‌కు భూమిపూజ.. ఎమ్మెల్యే మదన్ మోహన్ రావుకు గ్రామస్తుల కృతజ్ఞతలు

ఎల్లారెడ్డి అభివృద్ధిలో మరో ముందడుగు.. వెల్లుట్లలో విద్యుత్ సబ్‌స్టేషన్‌కు భూమిపూజ

ఎల్లారెడ్డి: కామారెడ్డి జిల్లా ఎల్లారెడ్డి మండలం వెల్లుట్ల గ్రామంలో నూతన విద్యుత్ సబ్‌స్టేషన్ మంజూరైన నేపథ్యంలో భూమిపూజ కార్యక్రమం నిర్వహించారు. ఎల్లారెడ్డి ఎమ్మెల్యే మదన్ మోహన్ రావు కృషి, చొరవతో సబ్‌స్టేషన్ మంజూరైందని కాంగ్రెస్ నాయకులు తెలిపారు. ఈ సందర్భంగా వెల్లుట్ల, వెల్లుట్లపేట్, వెంకటాపూర్ గ్రామాల ప్రజలు హర్షం వ్యక్తం చేశారు.

భూమిపూజ కార్యక్రమంలో ఆయా గ్రామాల సర్పంచులు, గ్రామ కాంగ్రెస్ పార్టీ అధ్యక్షులు, కాంగ్రెస్ నాయకులు, కార్యకర్తలతో పాటు ఎల్లారెడ్డి మండల కాంగ్రెస్ పార్టీ అధ్యక్షుడు కురుమ సాయిబాబా పాల్గొన్నారు. సబ్‌స్టేషన్ మంజూరుకు కృషి చేసిన ఎమ్మెల్యేకు కృతజ్ఞతలు తెలుపుతూ గ్రామస్తులు హారతులు పట్టి, నినాదాలు చేశారు.

రైతులకు విద్యుత్ సరఫరా మెరుగుపడుతుందని ఆశాభావం

నూతన సబ్‌స్టేషన్ అందుబాటులోకి వస్తే పరిసర గ్రామాల్లో విద్యుత్ సరఫరా మరింత మెరుగుపడటంతో పాటు రైతులకు, వ్యవసాయ రంగానికి ప్రయోజనం కలుగుతుందని కాంగ్రెస్ నాయకులు ఆశాభావం వ్యక్తం చేశారు.

ఎల్లారెడ్డి నియోజకవర్గంలో సుమారు 70 విద్యుత్ సబ్‌స్టేషన్ల మంజూరుకు ఎమ్మెల్యే కృషి చేస్తున్నారని నాయకులు పేర్కొన్నారు. గ్రామీణ ప్రాంతాల్లో మౌలిక సదుపాయాల అభివృద్ధికి ప్రాధాన్యమిస్తూ నియోజకవర్గాన్ని అన్ని రంగాల్లో ముందుకు తీసుకెళ్లేందుకు కాంగ్రెస్ ప్రభుత్వం, పార్టీ నాయకత్వం కృషి చేస్తున్నాయని తెలిపారు.