ఢిల్లీలో ఇండియా కూటమి నిరసనలో ఎమ్మెల్యే మదన్ మోహన్ రావు

ఓటర్ల జాబితా సవరణలో పారదర్శకత, జవాబుదారీతనం కోరుతూ ఆందోళన.. ప్రధాన ఎన్నికల కమిషనర్ జ్ఞానేశ్ కుమార్ రాజీనామాకు కూటమి డిమాండ్

ఢిల్లీ: ఓటర్ల జాబితా సవరణ ప్రక్రియలో పారదర్శకత, జవాబుదారీతనం ఉండాలని డిమాండ్ చేస్తూ దేశ రాజధాని ఢిల్లీలో ఇండియా కూటమి చేపట్టిన నిరసన కార్యక్రమంలో ఎల్లారెడ్డి ఎమ్మెల్యే మదన్ మోహన్ రావు పాల్గొన్నారు.

ఓటర్ల సవరణ ప్రక్రియలో అక్రమాలు జరిగాయంటూ వాటిపై జవాబుదారీతనం నిర్ధారించాలని ఇండియా కూటమి నాయకులు డిమాండ్ చేశారు. ఎన్నికల ప్రక్రియలో పారదర్శకతను నిర్ధారించాలని, ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని కోరుతూ నిరసన చేపట్టారు.

ఈ కార్యక్రమంలో పాల్గొన్న ఎమ్మెల్యే మదన్ మోహన్ రావు, ఓటర్ల హక్కుల పరిరక్షణ, ఎన్నికల వ్యవస్థలో పారదర్శకత, ప్రజాస్వామ్య విలువల పరిరక్షణకు సంబంధించిన డిమాండ్లకు మద్దతుగా నిలిచారు.

ఓటర్ల జాబితా సవరణ ప్రక్రియపై జవాబుదారీతనం ఉండాలని, ప్రతి ఓటరుకు న్యాయం జరిగేలా ఎన్నికల ప్రక్రియ పారదర్శకంగా సాగాలని ఇండియా కూటమి నాయకులు తమ నిరసన ద్వారా కోరారు.