రాష్ట్ర స్థాయి ఇంటర్‌లో ప్రతిభ చాటిన కామారెడ్డి విద్యార్థులకు ఘన సన్మానం

కామారెడ్డి పట్టణంలోని సాందీపని కళాశాల విద్యార్థులు ఇంటర్మీడియట్
బైపీసీ విభాగంలో రాష్ట్ర స్థాయిలో అత్యుత్తమ ప్రతిభ కనబరిచి కామారెడ్డి జిల్లాకు
గర్వకారణంగా నిలిచారు.

ఈ సందర్భంగా ప్రతిభావంతులైన విద్యార్థులను తెలంగాణ రాష్ట్ర ముఖ్యమంత్రి
అనుముల రేవంత్ రెడ్డి, ప్రభుత్వ సలహాదారు
మహమ్మద్ అలీ షబ్బీర్ చేతుల మీదుగా హైదరాబాద్‌లోని
బంజారా కొమరం భీం భవన్‌లో ఘనంగా సన్మానించారు.

ఈ సందర్భంగా విద్యార్థులను అభినందించిన ముఖ్యమంత్రి రేవంత్ రెడ్డి,
ప్రభుత్వ సలహాదారు మహమ్మద్ అలీ షబ్బీర్ మాట్లాడుతూ.. విద్యార్థులు కష్టపడి
చదివి రాష్ట్ర స్థాయిలో అత్యుత్తమ ర్యాంకులు సాధించడం అభినందనీయమని అన్నారు.

విద్యార్థుల ప్రతిభను గుర్తించి వారిని ప్రోత్సహించడం ద్వారా విద్యారంగంలో
మరింత పోటీ వాతావరణం ఏర్పడటంతో పాటు, విద్యార్థులు ఉన్నత లక్ష్యాల వైపు
అడుగులు వేసే అవకాశం ఉంటుందని వారు పేర్కొన్నారు.

కామారెడ్డి పట్టణానికి చెందిన విద్యార్థులు రాష్ట్ర స్థాయిలో ప్రథమ, ద్వితీయ
ర్యాంకులు సాధించడం పట్ల సాందీపని కళాశాల యాజమాన్యం, అధ్యాపకులు, విద్యార్థులు,
తల్లిదండ్రులు హర్షం వ్యక్తం చేశారు.

ఈ విజయం విద్యార్థుల కృషి, తల్లిదండ్రుల ప్రోత్సాహం, అధ్యాపకుల
మార్గదర్శకత్వానికి నిదర్శనమని వారు పేర్కొన్నారు.

రాష్ట్ర స్థాయిలో అత్యుత్తమ ప్రతిభ కనబరిచిన
ఐమాన్ మసీర, ఆస్మా జబీన్లను పలువురు ప్రజాప్రతినిధులు,
విద్యావేత్తలు, కళాశాల యాజమాన్యం అభినందిస్తూ.. భవిష్యత్తులో మరిన్ని
ఉన్నత విజయాలు సాధించాలని ఆకాంక్షించారు.