కీసర డివిజన్-1 పరిధిలోని కీసర గ్రామం, నందిని నగర్ కాలనీలో లైటింగ్ సమస్యను పరిష్కరించాలని కోరుతూ స్థానిక నాయకులు కీసర డిప్యూటీ కమిషనర్‌కు ప్రజావాణిలో వినతిపత్రం సమర్పించారు.

నందిని నగర్ కాలనీలో జనాభా పెరగడంతో ఇళ్ల సంఖ్య కూడా పెరిగిందని, అయితే సరైన లైట్ స్తంభాలు లేకపోవడంతో రాత్రిపూట చీకటి కారణంగా నివాసులు ఇబ్బందులు ఎదుర్కొంటున్నారని తెలిపారు. ముఖ్యంగా మహిళలు, పిల్లలు, వృద్ధులు రాత్రివేళ సురక్షితంగా నడవడానికి ఇబ్బందులు పడుతున్నారని పేర్కొన్నారు.

అదేవిధంగా వినాయక చవితి సందర్భంగా కీసర డివిజన్-1 పరిధిలోని గ్రామాల్లో ఏర్పాటు చేసిన వినాయక మండపాల వద్ద కరెంట్ స్తంభాలకు లైట్లు లేకపోవడంతో భక్తులు ఇబ్బందులు పడుతున్నారని తెలిపారు. ముఖ్యంగా మహిళలు, చిన్నారులు, వృద్ధులు రాత్రివేళ మండపాల వద్ద నడవడానికి ఇబ్బందులు ఎదుర్కొంటున్నారని పేర్కొన్నారు.

ఈ సమస్యలకు పరిష్కారం చూపాలని కోరుతూ స్థానిక నాయకులు కీసర డిప్యూటీ కమిషనర్‌కు వినతిపత్రం సమర్పించారు.

ఈ కార్యక్రమంలో కీసర మండల సామాజిక సేవా కార్యకర్త తుడుం శ్రీనివాస్, మాజీ ట్రస్ట్ బోర్డ్ మెంబర్, కీసరగుట్ట రాగుల రమేష్ ముదిరాజ్, కీసర గ్రామ శాఖ కాంగ్రెస్ పార్టీ అధ్యక్షుడు జూపల్లి రవీందర్, కృష్ణ రెడ్డి, పండుగ రాజలింగం ముదిరాజ్ తదితరులు పాల్గొన్నారు.

ప్రధాన డిమాండ్

• నందిని నగర్ కాలనీలో అవసరమైన చోట కరెంట్ స్తంభాలు ఏర్పాటు చేసి లైటింగ్ సౌకర్యం కల్పించాలని కోరారు.