మంచిర్యాల: దసరాకు పుట్టింటికి వెళ్లే విషయంలో మనస్తాపం.. మహిళ మృతి

మంచిర్యాల జిల్లా నస్పూర్ మండలం సుందరయ్య కాలనీలో ఓ మహిళ మృతి చెందిన ఘటన విషాదాన్ని నింపింది. దసరా పండగకు పుట్టింటికి వెళ్లే విషయమై భర్తతో మనస్పర్థలు ఏర్పడిన నేపథ్యంలో ఈ ఘటన జరిగినట్లు పోలీసులు తెలిపారు.

కాలనీకి చెందిన లావణ్య (32) రెండు రోజుల క్రితం తన తల్లి రాజేశ్వరికి ఫోన్ చేసి దసరా పండగకు ముందే పుట్టింటికి వస్తానని చెప్పినట్లు సమాచారం. ఈ విషయాన్ని భర్తకు చెప్పగా ఆయన అంగీకరించలేదని కుటుంబ సభ్యులు తెలిపారు. దీంతో ఆమె మనస్తాపానికి గురైనట్లు పేర్కొన్నారు.

మంగళవారం లావణ్య మృతి చెందినట్లు పోలీసులు తెలిపారు. ఘటనపై ఆమె తల్లి రాజేశ్వరి ఫిర్యాదు చేశారు.

ఫిర్యాదు ఆధారంగా ఎస్సై తహిసీనొద్దీన్ కేసు నమోదు చేసి దర్యాప్తు చేపట్టారు. ఘటనకు దారితీసిన పూర్తి కారణాలు పోలీసుల దర్యాప్తులో తేలాల్సి ఉంది.