వ్యవసాయ మార్కెటింగ్ శాఖ డైరెక్టర్ శ్రీ రాహుల్ రాజ్ (ఐఏఎస్) గారు మేడ్చల్ వ్యవసాయ మార్కెట్ కమిటీ కార్యాలయాన్ని ఆకస్మికంగా తనిఖీ చేశారు.

ఈ సందర్భంగా మార్కెట్ కమిటీ చైర్మన్ శ్రీ బొమ్మలపల్లి నరసింహులు యాదవ్, వైస్ చైర్మన్ శ్రీ విట్టల్ నాయక్, డైరెక్టర్ శ్రీ వేణుగోపాల్ తదితరులు డైరెక్టర్‌ను కలిశారు.

జిల్లా వ్యవసాయ మార్కెట్ కమిటీ వైస్ చైర్మన్ శ్రీ విఠల్ నాయక్ గారు మాట్లాడుతూ, మార్కెట్ కమిటీలో ప్రస్తుతం పెండింగ్‌లో ఉన్న పనులపై డైరెక్టర్ శ్రీ రాహుల్ రాజ్ అధికారులతో చర్చించారని తెలిపారు.

పెండింగ్ పనులను త్వరితగతిన పూర్తి చేయాలని అధికారులకు సూచించినట్లు ఆయన పేర్కొన్నారు. అలాగే మార్కెట్ కమిటీ అభివృద్ధికి అవసరమైన నూతన పనులకు మంజూరు, మరియు చేపట్టాల్సిన అభివృద్ధి కార్యక్రమాలపై కూడా చర్చించారని తెలిపారు.

ఈ కార్యక్రమంలో జాయింట్ డైరెక్టర్ (జేడీ) శ్రీ మల్లేశం, డీడీఎం శ్రీ ప్రసాద్ రావు, డీఎంఓ శ్రీ ఎం.డి. రియాజ్, మార్కెట్ కమిటీ కార్యదర్శి శ్రీ జాన్ వెస్లీ, అసిస్టెంట్ సెక్రటరీ మరియు మార్కెట్ కమిటీ సిబ్బంది పాల్గొన్నారని జిల్లా వ్యవసాయ మార్కెట్ కమిటీ వైస్ చైర్మన్ శ్రీ విఠల్ నాయక్ గారు తెలిపారు.