నేచురల్ స్టార్ నాని హీరోగా, ‘దసరా’ ఫేమ్ శ్రీకాంత్ ఓదెల దర్శకత్వంలో తెరకెక్కిన ‘ది ప్యారడైజ్’ సినిమా రేపు థియేటర్లలో విడుదల కానుంది. ఈ సినిమాపై అంచనాలు రోజురోజుకీ మరింత పెరుగుతున్నాయి.

అనిరుధ్ రవిచందర్ సంగీతం అందించిన ఈ సినిమాలో ఇప్పటికే విడుదలైన ‘ఆయా షేర్’, అలాగే ‘ఏషనాగుల’ పాటలు ప్రేక్షకుల్లో మంచి క్రేజ్ సంపాదించుకున్నాయి.

ముఖ్యంగా ‘ఏషనాగుల’ పాటలో నానితో కలిసి కీర్తి సురేష్ స్పెషల్ అప్పియరెన్స్ ఇవ్వడం మరో హైలైట్‌గా మారింది. తెలంగాణ ఫోక్ టచ్‌తో వచ్చిన ఈ సాంగ్‌కు అనిరుధ్ మ్యూజిక్, నాని–కీర్తి సురేష్ స్టెప్పులు అదనపు ఆకర్షణగా నిలిచాయి.

సినిమా విడుదలకు ఒక్కరోజు మాత్రమే ఉండటంతో థియేటర్ల దగ్గర ఫ్యాన్స్ సందడి మొదలైంది. అడ్వాన్స్ బుకింగ్స్‌లో కూడా సినిమాకు మంచి స్పందన కనిపిస్తోంది. తాజా రిపోర్టుల ప్రకారం అడ్వాన్స్ బుకింగ్స్ ఇప్పటికే రూ.18 కోట్లకు పైగా చేరుకున్నాయి.

నాని, శ్రీకాంత్ ఓదెల, అనిరుధ్ కాంబినేషన్‌లో వస్తున్న ‘ది ప్యారడైజ్’ రేపు థియేటర్లలో విడుదల కానుంది.