పేకాట ఆడినా, ఆడించినా కఠిన చర్యలు: నిజామాబాద్ సీపీ సాయి చైతన్య

దీపావళి పేకాటపై ఎక్కడ ఫిర్యాదు చేయాలి? నిజామాబాద్ పోలీసుల నంబర్ ఇదే

పవార్ వార్త, నిజామాబాద్: దీపావళి పండుగ వేళ నిజామాబాద్ పోలీస్ కమిషనరేట్ పరిధిలో పేకాటపై పూర్తి నిషేధం విధించారు. నిజామాబాద్, ఆర్మూర్, బోధన్ డివిజన్లలో ఈ నిషేధం అమల్లో ఉంటుందని పోలీస్ కమిషనర్ పి.సాయి చైతన్య శనివారం ఒక ప్రకటనలో తెలిపారు. పేకాట ఆడినా, ఆడించినా చట్టప్రకారం కఠిన చర్యలు తీసుకుంటామని హెచ్చరించారు.

– నిజామాబాద్, ఆర్మూర్, బోధన్ డివిజన్లలో పేకాట పూర్తిగా నిషేధం.
– పేకాట స్థావరాలు నడిపేవారు, ఇతరులను ప్రోత్సహించేవారు, సహకరించేవారిపైనా చర్యలు.
– సమాచారం ఇవ్వాల్సిన కంట్రోల్ రూమ్ నంబర్: 8712659700.
– సమాచారం ఇచ్చినవారి వివరాలు గోప్యంగా ఉంచుతామని పోలీసులు తెలిపారు.

పండుగ రోజుల్లో పేకాటను అడ్డుకునేందుకు ప్రత్యేక బృందాలు, నిఘా వ్యవస్థను ఏర్పాటు చేసినట్లు సీపీ వెల్లడించారు. కమిషనరేట్ పరిధిలోని అన్ని పోలీస్ స్టేషన్ల అధికారులు పేకాటపై ప్రత్యేకంగా దృష్టి పెట్టాలని, సమాచారం అందిన వెంటనే చర్యలు చేపట్టాలని ఆయన ఆదేశించారు.

తమ ప్రాంతంలో ఎవరైనా పేకాట ఆడుతున్నా, నిర్వహిస్తున్నా తెలిస్తే ప్రజలు వెంటనే నిజామాబాద్ పోలీస్ కంట్రోల్ రూమ్‌కు ఫోన్ చేయాలని కమిషనర్ కోరారు.

పండుగను ప్రశాంతంగా జరుపుకోవడానికి ప్రజలు పోలీసులకు సహకరించాలని సీపీ సాయి చైతన్య విజ్ఞప్తి చేశారు.

0 మంది ఇష్టపడ్డారు
షేర్
డౌన్‌లోడ్న్యూస్ పేపర్ క్లిప్పింగ్ • హై క్వాలిటీ

మరిన్ని వార్తలు

వ్యాఖ్యానించండి