ఎల్లారెడ్డి, ఆగస్ట్ 25 పవార్ వార్త: పెద్దచెరువు అలుగు వద్ద పారేసిన ఇంజక్షన్‌ సూదులు, వైద్య వ్యర్థాలు కలకలం రేపుతున్నాయి.

మినీ ట్యాంక్‌బండ్‌ మొదటి బ్రిడ్జి సమీపంలో పడేసిన సూదులు.. ఎగువ పోచారం ప్రాజెక్టు నుంచి నీరు రావడంతో పెద్దచెరువు అలుగు పారుతుండగా.. అలుగు మధ్యలో వాడి పారవేసిన ఇంజక్షన్‌ సూదులు ఒక్కొక్కటిగా నీటి ప్రవాహంలో పంట పొలాల వైపు కొట్టుకొస్తున్నాయి.

దీంతో రైతుల్లో ఆందోళన నెలకొంది. రైతుల ఆరోగ్యం, పశువులు, పంట పొలాల భద్రత దృష్ట్యా ప్రమాదకర వ్యర్థాలను తక్షణమే తొలగించాలని రైతులు కోరుతున్నారు.

ఇలాంటి ఘటనలు పునరావృతం కాకుండా బాధ్యులపై చర్యలు తీసుకోవాలని, ప్రమాదకర వైద్య వ్యర్థాలను తక్షణమే తొలగించాలని రైతులు సంబంధిత అధికారులను కోరుతున్నారు.