అర్హులైన ప్రతి ఒక్కరూ సీఎంఆర్ఎఫ్ ఎల్ఓసీని వినియోగించుకోవాలి: ఎమ్మెల్యే కేపీ వివేకానంద్

కుత్బుల్లాపూర్: అనారోగ్యంతో బాధపడుతూ మెరుగైన వైద్యం కోసం ఎదురుచూస్తున్న అర్హులైన లబ్ధిదారులకు ముఖ్యమంత్రి సహాయనిధి (CMRF) ద్వారా ఆర్థిక సహాయం అందేలా చర్యలు తీసుకుంటున్నట్లు బీఆర్ఎస్ ఎల్పీ విప్, కుత్బుల్లాపూర్ ఎమ్మెల్యే కేపీ వివేకానంద్ తెలిపారు.

ఈ మేరకు ఎమ్మెల్యే కేపీ వివేకానంద్ మంజూరు చేయించిన ముఖ్యమంత్రి సహాయనిధి (CMRF) ఎల్ఓసీ పత్రాలను చింతల్‌లోని కుత్బుల్లాపూర్ నియోజకవర్గ బీఆర్ఎస్ పార్టీ కార్యాలయంలో నిర్వహించిన కార్యక్రమంలో లబ్ధిదారులకు అందజేశారు.

సుభాష్ నగర్ డివిజన్ పరిధిలోని సూరారం సుందర్ నగర్‌కు చెందిన టీ. కవిత భర్త టీ. శివ శంకర్ పేరుతో దాఖలైన దరఖాస్తుకు ముఖ్యమంత్రి సహాయనిధి నుంచి
రూ.1,50,000/-
(ఒక లక్ష యాభై వేల రూపాయలు) మంజూరైంది.

అర్హులు సీఎంఆర్ఎఫ్‌ను సద్వినియోగం చేసుకోవాలి

ఖరీదైన వైద్య చికిత్సలు చేయించుకునే ఆర్థిక స్థోమత లేని అర్హులైన పేద కుటుంబాలకు ముఖ్యమంత్రి సహాయనిధి ఎంతో ఉపయోగకరంగా ఉంటుందని ఈ సందర్భంగా నాయకులు పేర్కొన్నారు. అర్హత కలిగిన ప్రతి ఒక్కరూ సీఎంఆర్ఎఫ్ ద్వారా అందుతున్న సహాయాన్ని సద్వినియోగం చేసుకోవాలని సూచించారు.

కార్యక్రమంలో పాల్గొన్న నాయకులు

ఈ కార్యక్రమంలో మాజీ కార్పొరేటర్లు సురేష్ రెడ్డి, డివిజన్ అధ్యక్షులు పోలే శ్రీకాంత్, బలరాం రెడ్డి, గుబ్బల లక్ష్మీనారాయణ, శివాగౌడ్, ప్రభాకర్ తదితరులు పాల్గొన్నారు.