ప్రధాని నరేంద్ర మోదీ ప్రజా జీవితంలో ముఖ్యమంత్రిగా, ప్రధానమంత్రిగా 25 ఏళ్లు పూర్తి చేసుకున్న సందర్భంగా దేశవ్యాప్తంగా నిర్వహించనున్న సేవా కార్యక్రమాలపై ఎల్లారెడ్డిలో బీజేపీ వర్క్‌షాప్ సమావేశం నిర్వహించారు. ఎల్లారెడ్డి బీజేపీ పట్టణ అధ్యక్షుడు రాజేష్ ఆధ్వర్యంలో ఈ సమావేశం జరిగింది.

బీజేపీ జాతీయ అధ్యక్షుడు నితిన్ నబిన్ ఆదేశాల మేరకు ‘సేవా సంకల్ప అభియాన్’ పేరుతో సెప్టెంబర్ 17 నుంచి అక్టోబర్ 17 వరకు నెల రోజుల పాటు దేశవ్యాప్తంగా సేవా కార్యక్రమాలు నిర్వహించనున్నట్లు నాయకులు తెలిపారు.

ఈ సందర్భంగా రాష్ట్ర నాయకుడు బాలకిషన్, జిల్లా ఉపాధ్యక్షుడు దేవేందర్ మాట్లాడుతూ.. మోదీ 25 ఏళ్ల ప్రజా జీవితంలో ప్రజలకు చేసిన సేవలు, పథకాలను ప్రతి పౌరుడికి, ప్రతి ఇంటికి తెలిసేలా కార్యక్రమాలు నిర్వహించాలని సూచించారు. ప్రతి బూత్‌లో కార్యక్రమాలు చేపట్టాలని తెలిపారు.

ఈ కార్యక్రమంలో బీజేపీ ప్రధాన కార్యదర్శి శ్రీను, కార్యదర్శి బి. శివ, సీనియర్ నాయకులు బాలరాజు, మల్లయ్య, యువ నాయకుడు జె. శివతో పాటు పలువురు నాయకులు పాల్గొన్నారు.