హైదరాబాద్: ఇంటర్మీడియేట్ విద్యను తొలగించే ప్రతిపాదనను తెలంగాణ రక్షణ సేన అధ్యక్షురాలు కల్వకుంట్ల కవిత తీవ్రంగా వ్యతిరేకించారు. ఇంటర్ విద్యా విధానం విద్యార్థులకు ప్రయోజనకరంగా ఉందని, దానిని రద్దు చేయడం కాకుండా మరింత బలోపేతం చేయాల్సిన అవసరం ఉందని ఆమె పేర్కొన్నారు.

ఇంటర్మీడియేట్ విద్యను తొలగించడం సమంజసం కాదని కవిత అభిప్రాయపడ్డారు. “మెడకాయ మీద తలకాయ ఉన్నోడు ఇంటర్మీడియేట్ విద్య తీసేయాలని అనడు” అని ఆమె వ్యాఖ్యానించారు.

ఇంటర్ విద్య విద్యార్థుల ఉన్నత విద్యకు కీలకమైన దశగా నిలుస్తుందని ఆమె తెలిపారు. ప్రస్తుతం ఉన్న విద్యా విధానాన్ని తొలగించే బదులు మరింత బలోపేతం చేయాలని ఆమె కోరారు.

“ఇంటర్ విద్య చాలా బాగుంది. దాన్ని మరింత బలోపేతం చేయాలి. కానీ తీసేయాల్సిన అవసరమే లేదు. కచ్చితంగా ఈ నిర్ణయాన్ని మేము వ్యతిరేకిస్తున్నాం. ప్రభుత్వం నిర్ణయం మార్చుకునే వరకు మేము పోరాడుతాం” అని కల్వకుంట్ల కవిత స్పష్టం చేశారు.

ఇంటర్మీడియేట్ విద్యపై ప్రభుత్వం తీసుకున్న నిర్ణయాన్ని పునఃపరిశీలించాలని, విద్యార్థుల భవిష్యత్తును దృష్టిలో ఉంచుకుని తగిన చర్యలు తీసుకోవాలని ఆమె డిమాండ్ చేశారు.