కట్టకింది తండా ప్రభుత్వ పాఠశాలలో ఘనంగా బతుకమ్మ సంబరాలు

ఎల్లారెడ్డి, అక్టోబర్ 9 (పవార్ వార్త): ఎల్లారెడ్డి మండలం కట్టకింది తండా (హజీపూర్) పరిధిలోని మండల పరిషత్ ప్రాథమిక పాఠశాలలో బతుకమ్మ సంబరాలను ఘనంగా నిర్వహించారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను విద్యార్థులు, ఉపాధ్యాయులు ఉత్సాహంగా జరుపుకున్నారు.

ఈ సందర్భంగా విద్యార్థులు రంగురంగుల పూలతో బతుకమ్మలను పేర్చి, సంప్రదాయ బతుకమ్మ పాటలు పాడుతూ పాఠశాల ప్రాంగణంలో సందడి చేశారు. తెలంగాణ సంస్కృతి, సంప్రదాయాల గొప్పతనాన్ని విద్యార్థులకు పరిచయం చేస్తూ వేడుకలను నిర్వహించారు.

ఈ కార్యక్రమంలో పాఠశాల హెచ్‌ఎం మౌనిక, ఉపాధ్యాయురాలు కల్యాణి తదితరులు పాల్గొన్నారు.