అసెంబ్లీలో దళిత స్పీకర్‌ను అవమానించేలా బీఆర్‌ఎస్ వ్యవహరించిందని ఆరోపిస్తూ కాంగ్రెస్ పార్టీ లింగంపేట్ మండల కేంద్రంలో నిరసన కార్యక్రమం నిర్వహించింది. ఎల్లారెడ్డి నియోజకవర్గ ఎమ్మెల్యే మదన్ మోహన్ రావు ఆదేశాల మేరకు అంబేద్కర్ చౌరస్తా వద్ద ఈ కార్యక్రమాన్ని చేపట్టారు.

లింగంపేట్ మండల కాంగ్రెస్ పార్టీ అధ్యక్షుడు గోకుల్ సాయిరాం యాదవ్ ఆధ్వర్యంలో పెద్ద సంఖ్యలో కాంగ్రెస్ నాయకులు, కార్యకర్తలు నిరసనలో పాల్గొన్నారు. అసెంబ్లీలో బీఆర్‌ఎస్ పార్టీ వ్యవహరించిన తీరును తీవ్రంగా ఖండిస్తున్నట్లు కాంగ్రెస్ నాయకులు తెలిపారు.

ఈ కార్యక్రమంలో లింగంపేట్ మండలంలోని వివిధ గ్రామాల పార్టీ అధ్యక్షులు, సర్పంచులు, ఉపసర్పంచులు, ఏఎంసీ డైరెక్టర్లు, పీఏసీఎస్ చైర్మన్లు, యువజన కాంగ్రెస్ నాయకులు, కాంగ్రెస్ పార్టీ నాయకులు పాల్గొన్నారు.