మహబూబాబాద్‌లో 126 సంక్షేమ వసతి గృహాలపై కలెక్టర్ స్నేహ శబరిష్ సమీక్ష

సెప్టెంబర్ 19, 2026 | మహబూబాబాద్ జిల్లా
ముఖ్యాంశాలు
  • జిల్లాలోని 126 సంక్షేమ వసతి గృహాల నిర్వహణపై సుదీర్ఘ సమీక్ష
  • ప్రత్యేక అధికారులు వసతి గృహాలను సందర్శించి విద్యార్థులతో కలిసి భోజనం చేయాలని ఆదేశం
  • నాణ్యమైన భోజనం, మెనూ అమలుపై ప్రత్యేక దృష్టి
  • పారిశుధ్యం, మౌలిక వసతులు, చిన్నచిన్న మరమ్మతులపై పర్యవేక్షణ
  • విద్యార్థుల సమస్యలు, సూచనల కోసం ఫిర్యాదుల పెట్టెలు ఏర్పాటు చేయాలని ఆదేశం

మహబూబాబాద్ జిల్లాలోని SC, ST, BC, మైనార్టీ సంక్షేమ వసతి గృహాల నిర్వహణ, మౌలిక వసతులు, విద్యార్థుల సంక్షేమంపై జిల్లా కలెక్టర్ స్నేహ శబరిష్ శనివారం కలెక్టరేట్ కాన్ఫరెన్స్ హాలులో సంబంధిత అధికారులతో సమీక్షా సమావేశం నిర్వహించారు.

జిల్లాలోని అన్ని విభాగాలకు సంబంధించిన 126 సంక్షేమ వసతి గృహాల నిర్వహణ, మౌలిక వసతులు, మైనర్ రిపేర్లు, డైనింగ్, స్టడీ, డైట్ మెనూ, ఫిర్యాదుల పెట్టెల నిర్వహణ, హెల్త్, న్యూట్రిషన్, సానిటేషన్ తదితర అంశాలపై సమావేశంలో సుదీర్ఘంగా సమీక్ష నిర్వహించారు.

నాణ్యమైన భోజనం అందించాలి

ప్రభుత్వం నిర్ణయించిన మెనూ ప్రకారం ప్రతిరోజూ విద్యార్థులకు పరిశుభ్రమైన, రుచికరమైన, పౌష్టికాహారం అందించాలని కలెక్టర్ స్నేహ శబరిష్ ఆదేశించారు.

వంట సిబ్బందికి క్రమం తప్పకుండా వైద్య పరీక్షలు

కిచెన్, వంట సిబ్బందికి షెడ్యూల్ ప్రకారం క్రమం తప్పకుండా వైద్య పరీక్షలు (Medical Examinations) నిర్వహించాలని కలెక్టర్ స్పష్టం చేశారు.

“ప్రజా పాలన – సంక్షేమ వారోత్సవాలు / యాక్షన్ ప్లాన్”లో భాగంగా ప్రతి వారం పారిశుధ్యం, హాస్టల్ గదుల శుభ్రత, వాష్‌రూమ్‌ల నిర్వహణ, చిన్నచిన్న మరమ్మతులపై ప్రత్యేక దృష్టి సారించాలని తెలిపారు.

బియ్యం, నిత్యావసర సరుకులు నిల్వ చేసే స్టోర్ రూమ్‌లు పరిశుభ్రంగా ఉండేలా చూడాలని అధికారులకు సూచించారు.

ప్రతి హాస్టల్‌లో ఫిర్యాదుల పెట్టెలు ఏర్పాటు

విద్యార్థులు తమ సమస్యలు, సూచనలను నిర్భయంగా తెలియజేసేందుకు ప్రతి వసతి గృహంలో తప్పనిసరిగా ఫిర్యాదుల పెట్టెలను ఏర్పాటు చేయాలని కలెక్టర్ ఆదేశించారు.

క్షేత్రస్థాయిలో పర్యవేక్షణకు ప్రత్యేక బాధ్యతలు

జిల్లాలోని ప్రతి హాస్టల్‌ను క్షేత్రస్థాయిలో పర్యవేక్షించేందుకు అధికారులకు ప్రత్యేక బాధ్యతలు అప్పగించినట్లు కలెక్టర్ తెలిపారు.

విద్యార్థుల సమగ్ర వికాసం కేవలం చదువుకే పరిమితం కాకుండా వారి మానసిక ఉల్లాసం, శారీరక దృఢత్వం కోసం ఆటలు, వ్యాయామం, ఇతర మానసిక వికాస కార్యక్రమాలు (Holistic Activities) నిర్వహించాలని పేర్కొన్నారు.

హాస్టళ్లలోనే వార్డెన్లు, సంక్షేమ అధికారులు అందుబాటులో ఉండాలి

వార్డెన్లు, సంక్షేమ అధికారులు హాస్టళ్లలోనే అందుబాటులో ఉండాలని, విధుల పట్ల నిర్లక్ష్యం వహిస్తే కఠిన చర్యలు ఉంటాయని కలెక్టర్ హెచ్చరించారు.

తాను స్వయంగా హాస్టళ్లను సందర్శించి విద్యార్థులతో కలిసి భోజనం చేస్తూ, అక్కడ లభిస్తున్న సదుపాయాలను నేరుగా సమీక్షిస్తానని కలెక్టర్ తెలిపారు.

ఈ సమావేశంలో జిల్లా రెవెన్యూ అధికారి, ఇంచార్జ్ మైనార్టీ అధికారిని నాగలక్ష్మి, ఎస్టీ సంక్షేమ శాఖ అధికారి దేశీ రామ్ నాయక్, సాంఘిక సంక్షేమ శాఖ అభివృద్ధి అధికారి శ్రీనివాసరావు, డిసిఓలు, ఆర్సిఓలు, గాయత్రీ, శ్రీనివాస్ తదితరులు పాల్గొన్నారు.

మూలం: DPRO MHBD, మహబూబాబాద్ జిల్లా పత్రికా ప్రకటన
0 మంది ఇష్టపడ్డారు
షేర్
డౌన్‌లోడ్న్యూస్ పేపర్ క్లిప్పింగ్ • హై క్వాలిటీ

మరిన్ని వార్తలు

వ్యాఖ్యానించండి