ఎల్లారెడ్డిలో నిర్మాణ కార్మికులకు లేబర్ కార్డు దరఖాస్తుల పంపిణీ
55 ఏళ్లు నిండిన కార్మికులకు రూ.5 వేల పింఛన్ ఇవ్వాలి
ఇవి కూడా చదవండి
పవార్ వార్త, ఎల్లారెడ్డి: భవన నిర్మాణ కార్మికులు లేబర్ కార్డులు పొందాలని భవన నిర్మాణ కార్మిక సంఘం వ్యవస్థాపక అధ్యక్షుడు మర్లు సాయిబాబు సూచించారు. ఎల్లారెడ్డి మున్సిపల్ ఆరో వార్డులో నిర్మాణ పనులు జరుగుతున్న ప్రాంతంలో కార్మికులకు లేబర్ కార్డు దరఖాస్తు ఫారాలను బుధవారం అందజేశారు.
కార్మికులకు సంక్షేమ పథకాలు అందాలి
నిర్మాణ రంగంలో నిజంగా పనిచేసే కార్మికులందరూ తప్పనిసరిగా లేబర్ కార్డు కలిగి ఉండాలని సాయిబాబు తెలిపారు. కార్డు ద్వారా ప్రభుత్వ సంక్షేమ పథకాల ప్రయోజనాలను పొందాలని సూచించారు.
ఉమ్మడి ఆంధ్రప్రదేశ్లో 1996 చట్టం ఆధారంగా భవన, ఇతర నిర్మాణ కార్మికుల సంక్షేమ పథకాలు అమలులోకి వచ్చాయని ఆయన పేర్కొన్నారు.
రూ.5 వేల పింఛన్ ఇవ్వాలని డిమాండ్
55 సంవత్సరాలు నిండిన కార్మికులకు సంక్షేమ బోర్డు ద్వారా నెలకు రూ.5 వేల పింఛన్ అందించాలని సాయిబాబు కోరారు. కార్మికుడు జీవించి ఉన్నంతకాలం లేబర్ కార్డు కొనసాగించాలని సూచించారు.
ప్రభుత్వ భవన నిర్మాణాల శిలాఫలకాలపై తాపీ మేస్త్రీ పేరు నమోదు చేయాలని, కార్మికులకు ప్రభుత్వం రూ.10 లక్షల సబ్సిడీ అందించాలని ఆయన డిమాండ్ చేశారు.
ఈ కార్యక్రమంలో భవన నిర్మాణ కార్మిక సంఘం వ్యవస్థాపక అధ్యక్షుడు మర్లు సాయిబాబుతో పాటు సెంట్రింగ్ మేస్త్రీలు నాగేష్, రవి, సంగమేశ్వర్, సంతోష్ తదితరులు పాల్గొన్నారు.














