తెలంగాణ ఉర్దూ వర్కింగ్ జర్నలిస్టుల ఫెడరేషన్ (TUWJF) దాఖలు చేసిన పిటిషన్‌పై 2026 ఆగస్టు 3న విచారణ చేపట్టిన తెలంగాణ హైకోర్టు గతంలో ఇచ్చిన మధ్యంతర ఉత్తర్వులను కొనసాగిస్తూ జర్నలిస్టులకు ఊరటనిచ్చింది. పిటిషనర్ తరఫున న్యాయవాది బర్కత్ అలీ ఖాన్ వాదనలు వినిపించగా, ప్రభుత్వ తరఫున ప్రతివాదులు తమ వాదనలు కోర్టు ముందు ఉంచారు.

విచారణ సందర్భంగా ఇప్పటికే పిటిషనర్లలో ఎక్కువమందికి అక్రిడిటేషన్ కార్డులు జారీ చేశామని ప్రతివాదులు కోర్టుకు తెలియజేశారు. అయితే ఈ వాదనపై పిటిషనర్ తీవ్ర అభ్యంతరం వ్యక్తం చేయడంతో, ఇప్పటివరకు జారీ చేసిన అన్ని అక్రిడిటేషన్ కార్డుల పూర్తి వివరాలు, లబ్ధిదారుల జాబితా మరియు సంబంధిత రికార్డులను కోర్టుకు సమర్పించాలని హైకోర్టు అధికారులను ఆదేశించింది.

ప్రభుత్వం కోర్టు గత ఆదేశాల అమలులో జరిగిన లోపాలపై సంఘటనల వారీగా తేదీలతో కూడిన నివేదికను పిటిషనర్ సమర్పించగా, దానిని న్యాయస్థానం అధికారిక రికార్డులో భాగంగా చేర్చింది. తదుపరి విచారణలో ఈ అంశాలపై సమగ్రంగా పరిశీలన జరపనున్నట్లు కోర్టు తెలిపింది.

కేసు తదుపరి విచారణ తేదీ నుంచి తుది వాదనలు ప్రారంభమవుతాయని హైకోర్టు స్పష్టం చేసింది. ఆలోపు ఇరు పక్షాలు తమ వద్ద ఉన్న అన్ని సంబంధిత పత్రాలు, ఆధారాలు, నివేదికలను కోర్టులో సమర్పించాలని ఆదేశించింది.

హైకోర్టు తాజా ఉత్తర్వులతో రాష్ట్రంలోని వర్కింగ్ జర్నలిస్టులు కేసు తుది తీర్పు వచ్చే వరకు తమ ప్రస్తుత అక్రిడిటేషన్ కార్డులతో ప్రభుత్వ కార్యాలయాలు, అధికారిక సమావేశాలు, మీడియా కవరేజ్, ప్రభుత్వ గుర్తింపు ఆధారంగా లభించే సౌకర్యాలను కొనసాగించే అవకాశం లభించింది.

ఈ కేసు తదుపరి విచారణ మరియు తుది వాదనల కోసం 2026 ఆగస్టు 25కు వాయిదా వేయబడింది. ఆ రోజున కోర్టు ముందు సమర్పించే వివరాలు, వాదనల ఆధారంగా తదుపరి నిర్ణయం వెలువడే అవకాశం ఉంది.