ఆంధ్రప్రదేశ్‌లో స్థానిక సంస్థల ఎన్నికలకు రంగం సిద్ధమవుతోంది. మున్సిపాలిటీలు, జెడ్పీటీసీ, ఎంపీటీసీ, గ్రామ పంచాయతీ ఎన్నికల నిర్వహణకు ప్రభుత్వం, రాష్ట్ర ఎన్నికల సంఘం కసరత్తు ముమ్మరం చేశాయి.

రాష్ట్రంలో మొత్తం 123 పట్టణ స్థానిక సంస్థలు ఉండగా.. 87 సంస్థల పాలకవర్గాల పదవీకాలం ఇప్పటికే ముగిసింది. మరో 13 సంస్థల పదవీకాలం నవంబర్‌లో ముగియనుంది.

కోర్టు కేసులు, ఇతర న్యాయపరమైన అంశాలు పెండింగ్‌లో ఉన్న 23 సంస్థలను మినహాయించి, తొలిదశలో న్యాయపరమైన అవరోధాలు లేని 100 పట్టణ స్థానిక సంస్థల్లో ఎన్నికలు నిర్వహించే దిశగా ప్రభుత్వం చర్యలు చేపడుతోంది.

తాజా రాజకీయ, పరిపాలనా పరిణామాలను పరిశీలిస్తే సెప్టెంబర్ చివరి వారం నుంచి అక్టోబర్ మధ్యకాలంలో ఎన్నికల ప్రక్రియ ఊపందుకునే అవకాశం కనిపిస్తోంది.