ఎల్లారెడ్డి: ఎల్లారెడ్డి మున్సిపాలిటీలో ఇందిరమ్మ ఇళ్ల రెండో విడతలో మంజూరైన ఇళ్ల నిర్మాణానికి భూమిపూజ నిర్వహించారు. మున్సిపల్ చైర్మన్ పద్మ శ్రీకాంత్ ఆధ్వర్యంలో మున్సిపాలిటీలోని ఒకటో వార్డులో రెండు ఇళ్లకు భూమిపూజ చేశారు.

కాంగ్రెస్ ప్రభుత్వం ప్రతిష్టాత్మకంగా చేపట్టిన ఇందిరమ్మ ఇళ్ల రెండో విడతలో ఎల్లారెడ్డి మున్సిపాలిటీకి ఎమ్మెల్యే మదన్ మోహన్ రావు కృషితో 98 ఇళ్లు మంజూరయ్యాయని మున్సిపల్ చైర్మన్ పద్మ శ్రీకాంత్ తెలిపారు.

ఈ సందర్భంగా ఆయన మాట్లాడుతూ.. ఇందిరమ్మ ఇళ్ల పథకం ద్వారా నిరుపేదల సొంత ఇంటి కల నెరవేరుతోందన్నారు. మంజూరైన ఇళ్లను మంచి నాణ్యతతో నిర్మించుకోవాలని లబ్ధిదారులను కోరారు.

ఇళ్ల మంజూరుకు కృషి చేసిన ఎమ్మెల్యే మదన్ మోహన్ రావుకు లబ్ధిదారులు కృతజ్ఞతలు తెలిపారు.

ఈ కార్యక్రమంలో మున్సిపల్ కమిషనర్ జె. జగ్జీవన్, పీఏసీఎస్ వైస్ చైర్మన్ మత్తమల ప్రశాంత్ గౌడ్, కౌన్సిలర్లు గాయత్రి శ్యాం, గఫార్, దశరథ్, లక్ష్మీ శంకర్, కో-ఆప్షన్ సభ్యులు, కాంగ్రెస్ నాయకులు, వార్డు ప్రజలు పాల్గొన్నారు.