ఎల్లారెడ్డి నియోజకవర్గ ప్రజల సమస్యలపై ఎమ్మెల్యే మదన్ మోహన్ స్పందిస్తున్న తీరును ప్రశంసిస్తూ వీడియోతో పాటు ఒక సందేశం విడుదలైంది. ప్రజల సమస్యలను తెలుసుకోవడంతో పాటు వాటి పరిష్కారం కోసం అధికారుల నుంచి ప్రభుత్వ స్థాయి వరకు కృషి చేస్తున్నారని సందేశంలో పేర్కొన్నారు.
ఇవి కూడా చదవండి
నియోజకవర్గంలోని ప్రతి మండలం, గ్రామం, వివిధ వర్గాలు ఎదుర్కొంటున్న సమస్యలను ప్రజల ముందుకు తీసుకువచ్చి వాటిపై పరిష్కార మార్గాలను సూచిస్తున్నారని సందేశంలో ప్రశంసించారు. గతంలో ఎమ్మెల్యేలుగా పనిచేసిన వారితో పోలుస్తూ కూడా మదన్ మోహన్ పనితీరును సందేశంలో అభినందించారు.
పదవి కోసం ప్రజల్లోకి రావడం కాకుండా ప్రజల కోసం పదవిని ఉపయోగిస్తున్నారని, ఎండ, వాన, పగలు, రాత్రి అనే తేడా లేకుండా ప్రజల సమస్యలపై పనిచేస్తున్నారని సందేశంలో పేర్కొన్నారు.
పేదల సమస్యలు, యువత భవిష్యత్తు, రైతుల సమస్యలపై స్పందిస్తూ నియోజకవర్గ అభివృద్ధికి కృషి చేస్తున్నారని అందులో పేర్కొన్నారు. ఎమ్మెల్యే మదన్ మోహన్ సేవలను మాటల్లో కాకుండా చేతల్లో ప్రజాసేవగా అభివర్ణించారు.

















