కీసర డివిజన్–1 పరిధిలో దోమల నివారణ, వీధి దీపాలు, తాగునీటి సమస్యల పరిష్కారానికి స్పందించిన కీసర సర్కిల్–1 డిప్యూటీ కమిషనర్‌కు కీసర మండల సామాజిక సేవా కార్యకర్త తుడుం శ్రీనివాస్ కృతజ్ఞతలు తెలిపారు.

ప్రజా సమస్యలపై తాము అందించిన వినతికి స్పందించి, త్వరితగతిన పరిష్కరిస్తామని హామీ ఇచ్చినట్లు ఆయన పేర్కొన్నారు.

దోమల నివారణ, వీధి దీపాలు, తాగునీటిపై వినతి

డివిజన్–1 పరిధిలో దోమల నివారణ చర్యలు చేపట్టడంతోపాటు వీధి దీపాలు , తాగునీటి సమస్యలను పరిష్కరించాలని డిప్యూటీ కమిషనర్‌ను కోరినట్లు తుడుం శ్రీనివాస్ తెలిపారు.

తమ వినతిపై సానుకూలంగా స్పందించి, సమస్యల పరిష్కారానికి హామీ ఇవ్వడం పట్ల ఆయన సంతోషం వ్యక్తం చేశారు. ప్రజల సమస్యల పట్ల డిప్యూటీ కమిషనర్ చూపిస్తున్న బాధ్యత అభినందనీయమని పేర్కొన్నారు.

కార్యక్రమంలో పాల్గొన్న ప్రముఖులు

ఈ కార్యక్రమంలో కీసరగుట్ట మాజీ ట్రస్ట్ బోర్డు సభ్యుడు రాగుల రమేష్ ముదిరాజ్ , రఫిక్, మంగ, భాను తదితరులు పాల్గొన్నారు.