సిరికొండ అటవీ ప్రాంతంలో 37 టేకు దుంగలు స్వాధీనం

సిరికొండ: అటవీ ప్రాంతంలో అక్రమంగా నరికిన 37 టేకు దుంగలను అటవీ అధికారులు స్వాధీనం చేసుకున్నారు. రావుట్ల సెక్షన్‌లోని మెట్టు తాండ ఫారెస్ట్ బీట్ పరిధిలో ఈ దుంగలను గుర్తించిన అధికారులు సిరికొండ రేంజ్ కార్యాలయానికి తరలించారు.

కంపార్టుమెంట్ నంబర్ 394లో టేకు దుంగలను గుర్తించినట్లు అధికారులు తెలిపారు. స్వాధీనం చేసుకున్న దుంగల విలువ సుమారు రూ.68 వేలు ఉంటుందని సిరికొండ రేంజ్ అధికారి కె. నర్సింగరావు తెలిపారు.

దుంగలను నరికిన వ్యక్తులను గుర్తించేందుకు దర్యాప్తు కొనసాగుతోందని అధికారులు పేర్కొన్నారు. అటవీ సంపదకు నష్టం కలిగించే వారిపై చట్టప్రకారం కఠిన చర్యలు తీసుకుంటామని స్పష్టం చేశారు.