కామారెడ్డి జిల్లా: ఎల్లారెడ్డి మండల పరిధిలోని దాల్ మల్కపల్లి వద్ద అక్రమంగా వడ్లు తరలిస్తున్నట్లు అనుమానిస్తున్న లారీని పోలీసులు పట్టుకున్నట్లు సమాచారం. ఈ ఘటనకు సంబంధించి బాన్సువాడకు చెందిన నలుగురు రిపోర్టర్లను అదుపులోకి తీసుకొని విచారిస్తున్నట్లు అందిన సమాచారం.

శంకరంపేట నుంచి ఆంధ్రప్రదేశ్‌కు వడ్ల తరలింపు

శంకరంపేట నుంచి ఆంధ్రప్రదేశ్‌కు వడ్లు తరలిస్తున్నట్లు సమాచారం అందడంతో బాన్సువాడకు చెందిన నలుగురు రిపోర్టర్లు వడ్ల లారీల వద్దకు చేరుకున్నారు. అప్పటికే రెండు లారీలు అక్కడి నుంచి వెళ్లిపోగా, మరో లారీని రిపోర్టర్లు అడ్డుకున్నట్లు సమాచారం.

వ్యాపారితో బేరసారాలు జరిపినట్లు ఆరోపణలు

వడ్లు తరలిస్తున్న వ్యాపారితో రిపోర్టర్లు బేరసారాలు జరుపుతున్నట్లు అందిన సమాచారం. అదే సమయంలో అటువైపు పెట్రోలింగ్‌కు వచ్చిన ఎల్లారెడ్డి పోలీసులు వారిని గుర్తించి, నలుగురు రిపోర్టర్లతో పాటు వడ్ల లారీని స్థానిక పోలీస్ స్టేషన్‌కు తరలించినట్లు తెలిసింది.

పోలీసుల విచారణ

నలుగురు రిపోర్టర్లను పోలీసులు విచారిస్తున్నట్లు సమాచారం. పట్టుబడిన లారీ నంబర్ TG17B3129గా పేర్కొన్నారు.

వడ్ల తరలింపునకు సంబంధించిన అనుమతులు, రిపోర్టర్లపై వచ్చిన ఆరోపణలు, పోలీసుల తదుపరి చర్యలపై అధికారిక సమాచారం అందాల్సి ఉంది.

0 మంది ఇష్టపడ్డారు
షేర్
డౌన్‌లోడ్న్యూస్ పేపర్ క్లిప్పింగ్ • హై క్వాలిటీ

మరిన్ని వార్తలు

వ్యాఖ్యానించండి