జన్మదిన వేడుకలను సేవా కార్యక్రమంగా మార్చిన యోగేశ్వర్

జుక్కల్, అక్టోబర్ 7:
జన్మదిన వేడుకలను వినూత్నంగా నిర్వహిస్తూ జుక్కల్‌కు చెందిన బొంపెల్లివార్ యోగేశ్వర్ ఆదర్శంగా నిలిచారు. తన జన్మదినాన్ని పురస్కరించుకుని జుక్కల్ ప్రభుత్వ ఆసుపత్రికి పలు వైద్య పరికరాలను బహూకరించారు.

ఈ సందర్భంగా బీపీ ఆపరేటర్, డిజిటల్ థర్మామీటర్, కిడ్స్ ఆక్సీమీటర్, అడల్ట్ ఆక్సీమీటర్, నెబ్యులైజర్, డిజిటల్ వెయిట్ మెషిన్ తదితర పరికరాలను ఆసుపత్రికి అందజేశారు. అలాగే ఆసుపత్రిలో చికిత్స పొందుతున్న రోగులకు పండ్లు పంపిణీ చేశారు.

జుక్కల్ గ్రామంలోని శ్రీ లక్ష్మీ మెడికల్ & జనరల్ స్టోర్స్ ప్రొప్రైటర్ బొంపెల్లివార్ దత్తు సొంత తమ్ముడు బొంపెల్లివార్ యోగేశ్వర్ జన్మదినం సందర్భంగా ఈ కార్యక్రమాన్ని నిర్వహించారు.

ఈ కార్యక్రమంలో బొంపెల్లివార్ దత్తు, బొంపెల్లివార్ విజయ్ కుమార్, కార్తీక్ గౌడ్, పండ్లిక్ గౌడ్, ఆయిల్వార్ రవి కుమార్, వడ్ల గురునాథ్ తదితరులు పాల్గొన్నారు.