జుక్కల్ బస్సు ప్రమాద ఘటనపై ఎమ్మెల్యే తోట లక్ష్మీకాంతారావు వెంటనే స్పందించారు. ఘటనాస్థలిని పరిశీలించిన ఆయన, అనంతరం ఆసుపత్రికి వెళ్లి క్షతగాత్రులను పరామర్శించి వారి ఆరోగ్య పరిస్థితిని తెలుసుకున్నారు.

ఈ సందర్భంగా హెల్త్ మినిస్టర్ శ్రీ దామోదర్ రాజనర్సింహతో ఎమ్మెల్యే మాట్లాడారు. తీవ్రంగా గాయపడిన ఓ పెద్దమనిషిని మెరుగైన వైద్యం కోసం 108 వాహనం ద్వారా NIMS ఆసుపత్రికి తరలించేలా చర్యలు తీసుకున్నారని సమాచారం.

బాధితులకు అండగా ఉంటూ, వారికి మెరుగైన వైద్యం అందేలా ఎమ్మెల్యే తోట లక్ష్మీకాంతారావు నిరంతరం పర్యవేక్షిస్తున్నారని తెలిపారు.