కామారెడ్డి జిల్లా సదాశివనగర్ పోలీస్ స్టేషన్ పరిధిలో జాతీయ రహదారులు, హైవే పక్కన పార్క్ చేసిన వాహనాల నుంచి డీజిల్ చోరీలకు పాల్పడుతున్నట్లు ఆరోపణలు ఎదుర్కొంటున్న ముగ్గురు సభ్యుల ముఠాను పోలీసులు అరెస్ట్ చేశారు.

పోలీసుల సమాచారం ప్రకారం.. ఈ ముఠా ప్రధానంగా ఇతర రాష్ట్రాలకు చెందిన వాహనాలను లక్ష్యంగా చేసుకుని డీజిల్ చోరీలకు పాల్పడుతున్నట్లు గుర్తించారు. నిందితులు హైదరాబాద్‌లోని మియాపూర్‌కు చెందిన వారిగా గుర్తించినట్లు పోలీసులు తెలిపారు.

ఈ కేసులో ఒక ఇన్నోవా వాహనంతో పాటు 20 డీజిల్ క్యాన్లు, పైపులు, నెంబర్ ప్లేట్లను పోలీసులు స్వాధీనం చేసుకున్నట్లు తెలిపారు.

హైవేలపై లేదా రహదారి పక్కన పార్క్ చేసిన వాహనాల నుంచి డీజిల్ చోరీలకు పాల్పడుతున్నట్లు ఆరోపణలు ఎదుర్కొంటున్న ఈ ముఠాపై సదాశివనగర్ పోలీసులు కేసు నమోదు చేసి తదుపరి చర్యలు చేపట్టినట్లు సమాచారం.