మల్కాజిగిరిలోని ఎల్‌కే ఆస్పత్రి వద్ద ఓ వ్యక్తి మృతిపై బంధువులు, స్థానికులు ఆందోళనకు దిగారు. ఆస్పత్రి యాజమాన్యం డబ్బులు తీసుకుని, తమ వ్యక్తి ఆరోగ్యం మెరుగుపడుతోందని, మూడు రోజుల్లో డిశ్చార్జ్ చేస్తామని చెప్పి చివరకు మృతి చెందినట్లు ప్రకటించిందని బంధువులు ఆరోపిస్తున్నారు.

మల్కాజిగిరి చంద్రబాబు కాలనీకి చెందిన రాజు అనే రిక్షా కార్మికుడు ఆదివారం బైక్‌పై నుంచి స్కిడ్ కావడంతో గాయపడి ఎల్‌కే ఆస్పత్రిలో చేరినట్లు బంధువులు తెలిపారు. చికిత్స కోసం ఇప్పటికే మూడు నుంచి నాలుగు లక్షల రూపాయలు ఖర్చు చేశామని వారు పేర్కొన్నారు.

రాజు ఆరోగ్యం 80 శాతం బాగుందని, త్వరలో కోలుకుంటాడని వైద్యులు చెప్పినట్లు బంధువులు తెలిపారు. అయితే శుక్రవారం ఉదయం రాజు మృతి చెందినట్లు ఆస్పత్రి వర్గాలు చెప్పడంతో బంధువులు ఆగ్రహం వ్యక్తం చేస్తూ ఆస్పత్రి ముందు ఆందోళన చేపట్టారు.

పరిస్థితి సీరియస్‌గా ఉంటే మరో ఆస్పత్రికి తరలించి చికిత్స చేయించుకునే అవకాశం ఉండేదని, తమను నమ్మించి డబ్బులు తీసుకున్నారని బంధువులు ఆరోపించారు.

ఎల్‌కే ఆస్పత్రిలో చికిత్స పొందుతున్న రాజుకు సంబంధించిన దృశ్యాలు

అయితే రాజు మృతికి వైద్యపరమైన కారణాలు ఏమిటన్నది అధికారికంగా తెలియాల్సి ఉంది. ఘటనపై అధికారులు విచారణ జరిపి నిజానిజాలు బయటికి తీయాలని బంధువులు, స్థానికులు డిమాండ్ చేస్తున్నారు.

పేద కుటుంబానికి చెందిన వ్యక్తి విషయంలో నిర్లక్ష్యం జరిగితే బాధ్యులపై చర్యలు తీసుకోవాలని వారు కోరుతున్నారు.

ఎల్‌కే ఆస్పత్రి వద్ద మృతుడి బంధువులు, కుటుంబ సభ్యుల ఆందోళన దృశ్యాలు
0 మంది ఇష్టపడ్డారు
షేర్
డౌన్‌లోడ్న్యూస్ పేపర్ క్లిప్పింగ్ • హై క్వాలిటీ

మరిన్ని వార్తలు

వ్యాఖ్యానించండి