సమావేశంలో రాష్ట్ర మంత్రులు, ఎమ్మెల్సీలు, కాంగ్రెస్ ఎమ్మెల్యేలతో కలిసి ఎమ్మెల్యే మదన్ మోహన్ పాల్గొన్నారు. రాష్ట్ర ప్రభుత్వ అభివృద్ధి కార్యక్రమాలు, ప్రజా సంక్షేమ పథకాల అమలు, రానున్న అసెంబ్లీ సమావేశాల వ్యూహాలు, ప్రజా సమస్యలపై చేపట్టాల్సిన కార్యాచరణ తదితర అంశాలపై జరిగిన చర్చల్లో ఆయన పాల్గొన్నారు.

ఈ సందర్భంగా ప్రజలకు ఇచ్చిన హామీల అమలు, కాంగ్రెస్ ప్రభుత్వం చేపడుతున్న సంక్షేమ, అభివృద్ధి కార్యక్రమాలను మరింత సమర్థవంతంగా ప్రజల్లోకి తీసుకెళ్లాలని సీఎం రేవంత్ రెడ్డి పార్టీ ప్రజాప్రతినిధులకు దిశానిర్దేశం చేసినట్లు పేర్కొన్నారు.

తన నియోజకవర్గంలో ప్రభుత్వ సంక్షేమ, అభివృద్ధి పథకాలు ప్రజలకు మరింత చేరువయ్యేలా కృషి చేస్తామని ఎమ్మెల్యే మదన్ మోహన్ తెలిపారు.