జవహర్‌నగర్, ఆగస్టు 25: చాత్తాద శ్రీ వైష్ణవ సంఘం తెలంగాణ రాష్ట్ర ప్రధాన కార్యదర్శి శ్రీ వెంకటయోగి వెంకటేశ్వర్లు గారి జన్మదినం పురస్కరించుకుని జవహర్‌నగర్‌లోని శ్రీ భూనీల సమేత శ్రీ వెంకటేశ్వర స్వామివారి దేవాలయంలో కుటుంబ సభ్యులతో కలిసి ప్రత్యేక పూజా కార్యక్రమాలు నిర్వహించారు.

ఆలయ అర్చకులు స్వామివారికి ప్రత్యేక పూజా కార్యక్రమాలు నిర్వహించి, తీర్థప్రసాదాలు అందజేశారు. అనంతరం స్వామివారి ఆశీస్సులు తీసుకున్నారు.

తన జన్మదినాన్ని పురస్కరించుకుని శుభాకాంక్షలు తెలిపిన కుటుంబ సభ్యులు, బంధుమిత్రులు, ఆత్మీయులు, శ్రేయోభిలాషులు, సంఘ సభ్యులు, అభిమానులందరికీ వెంకటేశ్వర్లు కృతజ్ఞతలు తెలిపారు.