చర్లపల్లి డివిజన్‌లో ఎమ్మెల్యే బండారి లక్ష్మారెడ్డి పర్యటన.. అభివృద్ధి పనుల పరిశీలన

చర్లపల్లి డివిజన్ పరిధిలోని మోడీ విస్టా హోమ్స్, ఈసీ నగర్, శుభోదయ నగర్ కాలనీల్లో ఉప్పల్ ఎమ్మెల్యే బండారి లక్ష్మారెడ్డి శుక్రవారం పర్యటించారు. ఈ సందర్భంగా వివిధ అభివృద్ధి పనులను పరిశీలించడంతో పాటు స్థానిక ప్రజల సమస్యలను అడిగి తెలుసుకున్నారు.

మోడీ విస్టా హోమ్స్‌లో రోడ్ల పనుల పరిశీలన

మోడీ విస్టా హోమ్స్‌కు సంబంధించిన కనెక్టింగ్ రోడ్ల అభివృద్ధి పనులను ఎమ్మెల్యే పరిశీలించారు. పనుల పురోగతిపై సంబంధిత అధికారులు, సిబ్బందిని వివరాలు అడిగి తెలుసుకున్నారు. రోడ్ల నిర్మాణంలో నాణ్యతా ప్రమాణాలు పాటించాలని, పనులను నిర్ణీత సమయంలో పూర్తి చేసి ప్రజలకు అందుబాటులోకి తీసుకురావాలని సూచించారు.

కనెక్టింగ్ రోడ్ల అభివృద్ధితో స్థానిక ప్రజలకు రాకపోకలు సులభతరం కావడంతో పాటు ట్రాఫిక్ సమస్యలు తగ్గే అవకాశం ఉందని ఎమ్మెల్యే పేర్కొన్నారు.

ఈసీ నగర్‌లో రోడ్లు, స్ట్రామ్ వాటర్ డ్రైన్ పనులు

అనంతరం ఈసీ నగర్‌లో జరుగుతున్న రోడ్లు, స్ట్రామ్ వాటర్ డ్రైన్ పనులను బండారి లక్ష్మారెడ్డి పరిశీలించారు. వర్షపు నీరు నిలిచిపోకుండా డ్రైనేజీ వ్యవస్థను పటిష్టంగా ఏర్పాటు చేయాలని అధికారులకు సూచించారు.

రోడ్ల పనులను నాణ్యతతో వేగవంతంగా పూర్తి చేయాలని, అభివృద్ధి పనుల సమయంలో స్థానిక ప్రజలకు ఇబ్బందులు కలగకుండా చర్యలు తీసుకోవాలని సూచించారు.

శుభోదయ నగర్‌లో ప్రజల సమస్యలు తెలుసుకున్న ఎమ్మెల్యే

శుభోదయ నగర్ కాలనీలో ఎమ్మెల్యే స్థానిక ప్రజలతో నేరుగా మాట్లాడి వారి సమస్యలను అడిగి తెలుసుకున్నారు. రోడ్లు, డ్రైనేజీ, స్ట్రీట్ లైట్లు, పారిశుధ్యం తదితర మౌలిక వసతులకు సంబంధించిన సమస్యలను స్థానికులు ఆయన దృష్టికి తీసుకువచ్చారు.

సమస్యలను పరిశీలించిన ఎమ్మెల్యే సంబంధిత అధికారులతో మాట్లాడి అవసరమైన చర్యలు చేపట్టాలని సూచించారు.

ప్రజలకు మెరుగైన రోడ్లు, డ్రైనేజీ, రవాణా సౌకర్యాలు కల్పించేందుకు కృషి చేస్తామని ఆయన పేర్కొన్నారు.

ఈ పర్యటనలో స్థానిక కాలనీ వాసులు, బీఆర్ఎస్ పార్టీ నాయకులు, కార్యకర్తలు తదితరులు పాల్గొన్నారు.