నాగిరెడ్డిపేటలో బంజారా భవన్ నిర్మాణానికి 20 గుంటల ప్రభుత్వ భూమిని కేటాయించేలా చర్యలు తీసుకుంటామని ఎల్లారెడ్డి ఎమ్మెల్యే మదన్ మోహన్ రావు హామీ ఇచ్చారు. బంజారా భవన్ నిర్మాణానికి అవసరమైన స్థలం కేటాయించాలని బంజారా సంఘం ప్రతినిధులు ఎమ్మెల్యేను కలిసి వినతి చేశారు.

ఫోన్ కాల్‌లో ఎమ్మెల్యే గారితో మాట్లాడుతున్న దృశ్యం
ఫోన్ కాల్‌లో ఎమ్మెల్యే గారితో మాట్లాడుతున్న దృశ్యం

ఈ సమస్యను ప్రభుత్వం దృష్టికి తీసుకెళ్లి 20 గుంటల భూమిని కేటాయించేలా కృషి చేస్తానని ఎమ్మెల్యే తెలిపారు. బంజారా సమాజం అభివృద్ధికి, సాంస్కృతిక కార్యక్రమాల నిర్వహణకు బంజారా భవన్ ఉపయోగకరంగా ఉంటుందని పేర్కొన్నారు.

భూమి కేటాయింపునకు సంబంధించి అవసరమైన చర్యలను త్వరితగతిన చేపట్టేందుకు కృషి చేస్తానని ఎమ్మెల్యే హామీ ఇచ్చినట్లు తెలిపారు. కొద్దిసేపు సమయం ఇవ్వాలని, భూమి కేటాయించేలా చర్యలు తీసుకుంటానని ఎమ్మెల్యే చెప్పడంతో ఆందోళన విరమించినట్లు సమాచారం.

ఆందోళన స్థలానికి చేరుకున్న పోలీసులు

ఆందోళన కొనసాగుతున్న సమయంలో సంఘటన స్థలానికి పోలీసులు చేరుకుని బంజారా సోదరులతో సంప్రదింపులు జరిపారు. సీఐ దొరవారి రాజ్ రెడ్డి ఆధ్వర్యంలో మూడు మండలాల పోలీసులు పాల్గొని ఎలాంటి అవాంఛనీయ సంఘటనలు జరగకుండా చర్యలు తీసుకున్నట్లు సమాచారం.

పలువురు బంజారా నాయకుల పాల్గొనడం

ఈ కార్యక్రమంలో చిన్నూరు గ్రామస్తులతో పాటు బంజారా ఎస్టీ సెల్ అధ్యక్షుడు కొర్ర వాసరాన్ నాయక్, AIBSS అధ్యక్షుడు రమేష్ నాయక్, మాజీ సర్పంచ్ వర్జా నాయక్, సర్పంచ్ బాల్యానాయక్, బంజారా తండా సర్పంచ్ సురేష్ నాయక్, మాజీ ఎంపీటీసీ దేవిసింగ్, AIBSS సెక్రటరీ విఠల్ నాయక్, తల్చనాయక్, కిషన్ నాయక్, ఉప సర్పంచ్ రామావత్ వాసురం, కొర్ర గోవింద్ నాయక్‌తో పాటు తండా వాసులు పాల్గొన్నారు.

0 మంది ఇష్టపడ్డారు
షేర్
డౌన్‌లోడ్న్యూస్ పేపర్ క్లిప్పింగ్ • హై క్వాలిటీ

మరిన్ని వార్తలు

వ్యాఖ్యానించండి